Ижкар+10 °C
19 -тӥ куарусён 2020 Кӧснунал
18+

Пӧртмаськон, тунаськон, шудонъёс: «Лудорвай» музейын вожодыр шулдыръяськонъёс ортчозы

  • 346
  • 0
Лудорвай / Удмуртия
Пӧртмаськон, тунаськон, шудонъёс: «Лудорвай» музейын вожодыр шулдыръяськонъёс ортчозы
Туспуктэм: vk.com (Я люблю Лудорвай)

12-тӥ толшоре 12 часысен Удмуртиысь «Лудорвай» музей-заповедникын «Вожодыр – пӧртмаськон но тунаськон вакыт» шулдыръяськон ортчоз. Со сярысь ужъюртлэн пресс-службаез ивортэ.

Удмуртъёслэн вашкала осконъёссыя, вожоос – со кулэм ӵыжы-выжыоссылэн лулъёссы, кудъёсыз Ымусьтонысен Йӧвылэсултонозь матысь адямиоссэс чакланы потало. Вожоослэсь кышкано ӧвӧл, шуо, угось соос ӵашетэменызы пеймыт кужымъёсты улляло, корка дэлет ваё.

Вожо пӧрмытскыса, ужрадэ Лудӟиысь, Сьӧлтаысь но Учаысь куноос лыктозы

Ужрад улсын пӧртмаськисьёслэн шествизы, Вожолы вазиськон, куноосты нерге нянен утялтон, вожоосын тодматскон, кужымзэс эскерон, вожоосты тыметысь люкмесэ келян.

Озьы ик нунал ӵоже кӧня ке площадкаос ужалозы:

- «Пукон корка» - мунёос, вожояськон маскаос лэсьтонъя мастер-классъёс (лыдӟиськон юртын);

- тунаськисьлэсь но пелляськисьлэсь азьланезлы чакланъёс (волостной правленилэн юртаз);

- гурт сиён-юон дуннеен тодматскон (лымшор удмуртъёслэн коркаязы).

Пыронлэн дуныз: 50-100 манет.

Тодэ вайытом, азьвылгес Пичи Пурга ёросысь Баграш-Бигра гуртысь нылъёс но песянайёс ивортодэтъя «Удмуртия» агентстволы возьматӥзы пӧртмаськон, тунаськон сямъёссэс возьматӥзы.

Вожодыр пӧртмаськон


Егитъёс вожодыре азьланез сярысь тунало




Наверх
Вниз