26 -тӥ коньывуон 2020 Вордӥськон
18+

Этноэкскурсиос ортчозы Удмуртиын тулыспалэ «Пельняньлэн дунневыл нуналэз» фестиваль улсын

  • 687
  • 0
Ижкар / Удмуртия
Этноэкскурсиос ортчозы Удмуртиын тулыспалэ «Пельняньлэн дунневыл нуналэз» фестиваль улсын
Туспуктэм: Руслан Нуриахметов

«Пельняньлэн дунневыл нуналэз» фестиваль улсын тулыспалэ Удмуртиын пӧртэм ёросъёсын улӥсь калыкъёсын но соослэн йылолъёсынызы тодматонъёс радъяськозы. Со сярысь фестивальлэн пресс-службаез ивортэ.

Этнографи экскурсиосы пыриськисьёс уйпал но лымшор удмуртъёслэн, бесерманъёслэн но чупчипал бигеръёслэн, ӟучьёслэн но поръёслэн ваньбурлыко но лулпушлыко лулчеберетэнызы тодматскозы, пӧртэм пельняньёсты веръялозы
«Пельняньлэн дунневыл нуналэз» фестивальлэн пресс-службаез

Ужрад 1-тӥ тулыспалысен 1-тӥ южтолэзёзь кыстӥськоз. Ӵектэм маршрутъёс пӧлысь котькудзэ бырйыны луоз:

1-тӥ тулыспалэ:

- Лудорвае перепеч пӧранъя мастер-классэн этнотур.

2-тӥ тулыспалэ:

- Удмуртилэн тужгес пор ёросаз – Каракулино ёросэ – этнопутешествие.

8-тӥ тулыспалэ:

- Брангурт песянайёс доры экскурсия;

- Ижкаретӥ пельнянь кутонъя мастер-классъёсын экскурсия.

9-тӥ тулыспалэ:

- Кияса ёросысь Уддяди (Карамас-Пельга) гуртын лымшор удмуртъёслэн йылолъёссы сярысь вералозы.

15-тӥ тулыспалэ:

- Эграе пельнянь путешествие.

16-тӥ тулыспалэ:

- Балезино ёросысь Юнда но Кестым гуртъёсын, Балезиноын куноослы вералозы, маин висъясько Волга но Чупчи котырын улӥсь бигеръёс, мар герӟа Александр Македонскиез но бесерманъёсты, озьы ик удмурт но бигер сиён-юонъёсты веръяны быгатозы;

- Глазкаре йӧскалык лулчеберетъя экскурсия, озьы ик «Парафраз» театрын «Сейчас не до любви» спектакль учкыны ӵектозы.

22-тӥ тулыспалэ:

- Кам шурлэн кутсконаз экскурсия. Кулигаын староверъёслэн лулчеберетсы сярысь вералозы.

23-тӥ тулыспалэ:

- «ДондыДор» паркетӥ, Глазкаретӥ экскурсия, «Парафраз» театрын «Байки с Бейкер Стрит» возьматозы.

29-тӥ тулыспалэ:

- Сарапуллэн но солэн котыреныз тодматскон, йӧскалык сиён-юонъёсты веръян но ӟуч Масленчаез пусъён;

- Якшур-Бӧдьяын Вӧйдырез пусъён.

1-тӥ южтолэзе:

- Сибыр сюрес кузя йӧскалык лулчеберетъя путешествие.

Озьы ик пельнянь арня улсын Ижкарын пыдын экскурсиос ортчозы.

Котькуд нуналлэн программаеныз рос-прос тодматскыны но экскурсие гожтӥськыны радъясьлэн «ВКонтакте» мерлыко вотэсысь огиназ но фестивальлэн сайтаз луоз.

Тодэ вайытом, 2020-тӥ арын Удмуртиын «Пельняньлэн дунневыл нуналэз» фестиваль «Ческыт выжыкыл» ним улсын 1-8 тулыспалэ ортчоз. 



Наверх
Вниз