Ижкар+6 °C
24 -тӥ куарусён 2020 Покчиарня
18+

Пельнянь фестиваль улсын удмурт калык шудонъёс нырысьсэ Ижкарлэсь палэнын но ортчозы

  • 403
  • 0
Ижкар / Удмуртия
Пельнянь фестиваль улсын удмурт калык шудонъёс нырысьсэ Ижкарлэсь палэнын но ортчозы
Туспуктэм: Руслан Нуриахметов

31-тӥ толшоре Удмуртиын «Пельняньлэн дунневыл нуналэз» фестиваль улсын радъяськись ужрадъёслы кутскон сётозы. Нырысетӥез соос пӧлысь вашкала удмурт калык шудонъёсын выль сямен шудонъя «Юмшан» ӵектос луоз. Со сярысь фестивальлэн радъясьёсыз иворто.

Туэ нырысьсэ «Юмшан» ӵектос Ижкарлэсь палэнэ потоз элькунысьтымы ньыль интыын ортчоз: Удмуртилэн шоркараз сяна, Дэри ёросысь Ягул, Октябрьский но Италмас черкогуртъёсын

Мӧйыос но пиналъёс азбаръёсазы шулдыръяськонэ люкаськозы но вашкала удмурт шудонъёсын тодматскозы. Калыкез пельнянь тусо ӝужыт мунёос но удмурт мифологиысь геройёс шулдыртозы.

Азбаръёсты шулдыръяськонлы нимысьтыз дасялозы но куноослы пӧртэм шутэтскон амалъёс ӵектозы: гынсапеген хоккей, лымы мунёос лэсьтон. Со сяна, пельнянен но пӧсь чаен куноятозы. Озьы ик спорт шудонъёс, нылпиослы анимация, туспуктэм лэсьтон интыос радъялозы. Ужрадэ пыриськисьёсты удмурт эктонлэн люкетъёсыныз, удмурт гуръёсын но удмурт калык шудонъёсын тодматозы, соос пӧлын «Капкаен шудон», «Небыльток», «Кышетэн шудон», «Тябыкен шудон» но «Кутэн шудон».

«Юмшан» ӵектос ортчоз:

31-тӥ толшоре:

10:30 - 11:30 – Кузебай Герд нимо нылпи садлэн азбараз (Ижкар, Петров нимо урам, 19).

1-тӥ тулыспалэ:

10:00 - 11:30 – Дэри ёросысь Ягул черкогуртысь школа азбарын (Ягул черкогурт, Холмогоров нимо урам, 1);

12:30 - 13:30 - Ижкарысь Кунгурцев нимо урамысь 27 номеро юртлэн азбараз;

15:30 - 16:30 – Дэри ёросысь Октябрьский черкогуртысь Полесской урамысь 12 номеро юртлэн азбараз.

2-тӥ тулыспалэ:

11:00 - 12:00 – Ижкарысь Берш нимо урамысь 39 номеро юртлэн азбараз;

12:00 - 13:00 – Дэри ёросысь Италмас черкогуртысь нылпи площадкаын;

13:00 - 14;00 – Ижкарысь Степной урамысь 73 номеро юртлэн азбараз;

14:30 - 15:30 – Ижкарысь Ленинградской урамысь 7 номеро юртлэн азбараз.

Ужрад улсын «Великая книга» квестэ, «Батыр кужым» вожвылъяськонэ гожтӥськыны луоз. Соос 8-тӥ тулыспалэ Ижкарысь Шор площадьын ортчозы

Пусъём, «Пельняньлэн дунневыл нуналэз» 2015-тӥ арысен арлы быдэ ортчытъяське но улосвылмес умой ласянь возьматон но тодмамон карон, удмурт йӧскалык лулчеберетэз возьматон понна радъяське.

Тодэ вайытом, туэ фестиваль «Ческыт выжыкыл» ним улсын ортчоз. Тулыспалэ фестиваль улсын Удмуртиын пӧртэм ёросъёсын улӥсь калыкъёсын но соослэн йылолъёсынызы тодматозы.



Наверх
Вниз