100 лет государственности Удмуртии
Ижкар+22 °C
6 -тӥ инвожо 2020 Кӧснунал
16+

Йӧ скульптураос лэсьтыны кутскизы Ижкарысь «Пыраклы Россиен» синпелет дорын

  • 364
  • 0
Ижкар / Удмуртия
Йӧ скульптураос лэсьтыны кутскизы Ижкарысь «Пыраклы Россиен» синпелет дорын
Туспуктэм: Руслан Нуриахметов

27-тӥ толшоре «Удмурт йӧ» («Удмуртский лёд») фестиваль улсын Ижкарысь «Пыраклы Россиен» синпелет дорын йӧлэсь скульптураос лэсьтыны кутскизы. Ивортодэтъя «Удмуртия» агентстволэн корреспондентэз ужасьёсын тодматскыны ветлӥз.

«Удмурт йӧ - 2020». Кутсконэз


Ижкарын витетӥзэ радъяськись фестивале Россилэн улосвылъёсысьтыз, озьы ик Казахстанысь усточиос лыктӥзы. Уж борды 15 команда басьтӥз. Йӧ ваньмызлы тырмоз, шуэ Пичи Пургаысь кибашлы Виктор Яковлев.

Туж трос йӧ ваемын, котькудӥзлы тырмыт, малпасько, луоз. Зӧк кынмемын, чылкыт, вольыт. Скульптураос, малпасько, пӧрмозы туж умоесь
Виктор Яковлев, Пичи Пургаысь скульптор

Туэ фестиваль Удмуртилэн кунлык басьтэмезлы 100 ар тырмонлы сӥземын. Ужрадэ пыриськисьёс удмурт калыклэн историе кылем ужрадъёсызлы, дауркылъёсызлы (легенда), мифъёсызлы но выжыкылъёсызлы, озьы ик Удмуртиысь тодмо кун но вӧсьлык ужасьёслы, кылбурчиослы но гожъясьёслы, суредасьёслы, крезьгурасьёслы, пусйымон интыослы, вузпӧрлы но инкуазьлы сӥзем скульптураос лэсьтозы.

Туж трос пӧртэм эскизъёс лэсьтылэмын, кудӥз шуак валаны но, может быть, уз луы, но валэктэмзыя, котькудӥз учкись шӧдоз, сӥземын асьме республикамылы шуыса. Вуэмын бере мукет регионысь но, соин ик соослэн суредъёссы лэсьтылэмын асьсэлэн адӟемзыя, асьсэлэн малпамзыя
Виктор Яковлев, Пичи Пургаысь скульптор

Виктор Яковлев Алнашысь Юрий Конюховен ӵош ужа. Соос Вумуртэз лэсьтозы.

15 команда йӧлэсь скульптураос лэсьтыны кутскиз

12 фото

Йӧлэсь 15 скульптураос 2-тӥ тулыспаллы дась луыны кулэ

Тодэ вайытом, 2019-тӥ арын Дэбесын Виктор Яковлев крезьгурчилы Геннадий Корепанов-Камскийлы сӥзем пу скульптура лэсьтӥз.



Наверх
Вниз