Ижкар-3 °C
24 -тӥ тулыспал 2020 Вордӥськон
16+

40 пала ужъёс вуизы «Кыӵе умой, мон удмурт кылэз тодӥсько шуыса» вожвылъяськонэ Удмуртиын

  • 636
  • 0
Глазкар / Удмуртия
40 пала ужъёс вуизы «Кыӵе умой, мон удмурт кылэз тодӥсько шуыса» вожвылъяськонэ Удмуртиын

Вакчи шудон фильм пуктон понна «Кыӵе умой, мон удмурт кылэз тодӥсько шуыса. Улонысь учыр» («Как хорошо, что я знаю удмуртский язык. Случай из жизни») элькун вожвылъяськонэ 40 пала ужъёс вуизы. Со сярысь ивортодэтъя «Удмуртия» агентстволы конкурсэз радъясь, кинорежиссёр, сценарист, «Киноглаз-ов» удмурт студилэн но ВЕТР киношколалэн кивалтӥсез Вениамин Тронин вераз.

Вожвылъяськонлы йылпумъянъёс 31-тӥ толшоре лэсьтӥзы. Вормисе Глазкарын вордскем но али Москваын улӥсь Сергей Бабинцевлэн песятаез сярысь веранэз потӥз.

Верамын, кызьы пичи пияш песятайзэ ватон дыръя шуак валаз, со удмурт шуыса. Азьвыл солэсь возьдаське вылэм, но песятайзэ-фронтовиксэ ватон дыръя со понна ваньмыз интыяз султӥз
Вениамин Тронин, кинорежиссёр

Кинорежиссёр улонысь учыръёсты Удмуртилэн кунлыкезлы 100 ар тырмонлы тупатыса фильм лэсьтон понна люканы малпаз вал, но вань ӵектон-малпанъёсты эскерыса, тунсыко ужъёс вал ке но, кино кылдытонлы одӥгез но уг тупа шуыса валаз. Озьы ик вормисьлэн ужез но.

Со литературалы история – философской малпанъёсын верос. <…> Та учыръя кино кылдытон пумысен туж бадӟым юан, кинь мугъёсъя: нырысь ик, сӥё-дано ужрадын возьматыны со уг тупа; кыкетӥез, отын «киношностез» ӧжыт; куинетӥез, нырысетӥ кык мугъёсты чакласа, сыӵе историлы коньдон шедьтыны туж шуг луоз, угось литературалы кадь со умой, но кинолы кужымез (потенциалэз) ӧвӧл
Вениамин Тронин, кинорежиссёр

Кино но литература – искусстволэн пӧртэм ӧръёсыз, котькуд литература ужез экранэ поттыны уг луы, пусйиз Вениамин Тронин. Но Сергей Бабинцевлэсь историез калык доры вуыны быгатоз ик.

Удмуртиысь кыӵе ке журналын мед печатлалозы шуыса юртто, марзэ ке тупатыны ӵекто
Вениамин Тронин, кинорежиссёр

Секыт учырын аслэсьтыз удмурт луэмзэ валам пияш сярысь учыръя азьланяз, оло, фестивальёсы пыриськон понна фильм кылдытоз.

Удмуртилэн кунлыкезлы сӥзем тунсыко, капчи кинофильм лэсьтон малпанэзлэсь режиссёр ӧз куштӥськы. Соин ик удмурт кылэз тодэмен яке тодымтэен валче кыӵе ке паймымон яке серемес учыръёсты, малпанъёсты эшшо келяны куриз.

Вениамин Тронинлэн верамезъя, таӵе ик вожвылъяськон мукет улосвылъёсын но ортчытыны малпало. Кылсярысь, Бурятиысь жингыръяллям ни.

Тодэ вайытом, «Брангурт песянайёслэн» кивалтӥсьсы Ольга Туктарева но Юлия нылыз «Сердце Пармы» кинофильмез лэсьтонэ пыриськизы.

Наши партнеры

Наверх
Вниз