Ижкар-3 °C
24 -тӥ тулыспал 2020 Вордӥськон
16+

«Удмурт йӧ» фестиваль улсын кылдытэм скульптураосын паркез усьтӥзы Ижкарын

  • 385
  • 0
Ижкар / Удмуртия
«Удмурт йӧ» фестиваль улсын кылдытэм скульптураосын паркез усьтӥзы Ижкарын
Туспуктэм: Руслан Нуриахметов

2-тӥ тулыспалэ Ижкарын «Удмурт йӧ» III фестиваль улсын кылдытэм йӧ скульптураослэсь паркез усьтӥзы. Сӥё-дано ужрадэ фестивалез радъясьёс, суредасьёс но карын улӥсьёс пыриськизы.

Туэ та куинетӥез фестиваль ни, соин ик ми кӧня ке выльдӥськыны малпамы. Кык ар ӵоже фестиваль Иж тыметлэн ярдураз радъяськылӥз, нош Удмуртилэн кунлыкезлы даур тырмон аре «Пыркалы Россиен» монумент вӧзысь площадка милемлы туж тупась, чебер но символично луэ
Евгения Сундукова, Удмуртиысь кивалтэтлэн тӧроезлэн воштӥсезлэн юрттӥсез

Йӧлэсь скульптураосын паркез усьтон

17 фото

Ужрадэз эктонъёсын но кырӟанъёсын Ижкарысь творчествоя коллективъёс кутскизы, собере куноосты фестивале пыриськисьёсын но соослэн ужъёсынызы тодматӥзы. Тодэ вайытом, туэ скульптураосты удмурт калык мифъёслы, озьы ик Удмуртиысь тодмо адямиослы сӥзизы.

Эшшо одӥгез выльдӥськон - ватсам дуннеен нимысьтыз пусъёс, соосты «Легенда Удмуртии», «Игра с огнем», «Вукузё», «Удмуртия» скульптураос вӧзысь адӟыны луоз.

Скульптураослэсь улӟемзэс адӟемды потэ ке, «Удмуртский лед» ватсэтэз кыскыны яке «Инстаграмын» @iloveudmurtia (Я люблю Удмуртию) огинлы гожтӥськыны но маскаез мертаны-кутыны кулэ. Озьы ик ватсам дуннее Удмуртия100.рф сайт яке playmarket-ысь «Удмуртский лед» ватсэт пыр.

Тодэ вайытом, «Удмурт йӧ» («Удмуртский лёд») фестивалез 27-тӥ толшоре усьтӥзы. Йӧлэсь скульптураосты Удмуртиысь, Сургутысь, Пермьысь, Уфаысь, Рязаньысь, Санкт-Петербургысь, Магаданысь но мукет каръёсысь, озьы ик Казахстанысь кибашлыос лэсьтӥзы. 

«Удмурт йӧ - 2020». Кутсконэз


Наши партнеры

Наверх
Вниз