Ижкар-3 °C
24 -тӥ тулыспал 2020 Вордӥськон
16+

Ижкаре нырысьсэ «Сатирикон» театр гастрольёсын вуоз

  • 530
  • 0
Ижкар / Удмуртия
Ижкаре нырысьсэ «Сатирикон» театр гастрольёсын вуоз
Туспуктэм: satirikon.ru

«Бадӟым гастрольёс» («Большие гастроли») огъяросси программа улсын Ижкаре нырысьсэ Аркадий Райкин нимо «Сатирикон» кун театр лыктоз. Возьматонъёс 22-тӥ но 24-тӥ тулыспалэ Драмая ӟуч театрлэн сцена вылаз ортчозы. Со сярысь программалэн пресс-службаез ивортэ.

Москваысь театр Удмуртиысь учкисьёсты куинь уженыз тодматоз

22-тӥ тулыспалэ одӥг ёзо кык комедиослэн ӝытсы (12+) ортчоз. Со улсын кылбурчилэн Давид Самойловлэн произведениосызъя «Константин Райкин. Своим голосом» моноспектакль но Мольерлэсь «Лекарь поневоле» комедизэ возьматозы. 

24-тӥ тулыспалэ Мольерлэн комедиезъя «Дон Жуан» спектакльзэс (16+) пуктозы.

Возьматонъёс 19 часын кутскозы

Пусъём, «Сатирикон» «Бадӟым гастрольёс» программае 2016-тӥ арысен пыриське. Та дырозь со Пермь шаере, Томск, Оренбург улосвылъёсы, Азербайджанэ но Карелие вуылӥз ини.

ВАТСАН

«Большие гастроли» программаез Владимир Путинлэн кичӧлтэмезъя 2014-тӥ арын Россиысь лулчеберетъя министерствоын кылдытэм Гастрольёсъя федерал центр быдэсъя. Туннэ нуналлы со Россиысь тужгес бадӟымез гастрольёсъя ӵектос луэ. 2019-тӥ арын программае 267 театръёс пыриськизы но 2 сюрслэсь трос спектакльёс возьматӥзы. Артистъёс Россилэн 85 улосвылъёсаз но бускель кунъёсы вуыло.

Тодэ вайытом, «Бадӟым гастрольёс» программае Удмуртиысь йӧскалык театр но пыриське. Со Алтай Элькунысь,  Карелиысь, Комиысь, Коми-Пермяк автоном оуркгысь йӧскалык театръёсын вошъяськон гастрольёс ортчытӥз, 

Наши партнеры

Наверх
Вниз