Ижкар-3 °C
24 -тӥ тулыспал 2020 Вордӥськон
16+

10 миллион манет висъязы Чайковскийлы сӥзем фестивалез радъяны Удмуртиын

  • 457
  • 0
Ижкар / Удмуртия
10 миллион манет висъязы Чайковскийлы сӥзем фестивалез радъяны Удмуртиын

Удмуртиын искусствоосъя «П.И. Чайковскийлэн вордӥськем шаераз» 63-тӥ фестивалез ортчытыны коньдэтэз 10 миллион манетозь будэтӥзы. Со сярысь журналистъёслы улосвылысь лулчеберетъя министр Владимир Соловьёв ивортӥз.

Дасяськонъёс кылем арысен мыно. <…> Быдӟым улосчимылы 180 ар тырмонэз лыдэ басьтыса, ужрадэз паськытатэммы потэ вал. <…> Со туж умой, малы ке шуоно коньдон тросгес висъязы, озьыен, малпанъёсмес улонэ пыӵатыны луонлыкъёс но будӥзы
Владимир Соловьёв, Удмуртиысь лулчеберетъя министр

Кылем арын фестивалез ортчытыны 6 миллион манет висъязы вал. 

Тодэ вайытом, ылем арын Воткае Пётр Ильич Чайковскийлэн музей-юртаз Москваысь «М-ФИЛЬМ» телекомпаниысь ӧнерчиос крезьгурчилэн вордӥськем дырысеныз 180 ар тырмонлы документальной фильм лэсьтыны вуылӥзы. Сое быдӟым улосчимылэн вордскем нуналаз, 7-тӥ куартолэзе, возьматыны малпало.

Наши партнеры

Наверх
Вниз