Ижкар+1 °C
26 -тӥ тулыспал 2020 Вирнунал
16+

7 тонна пельнянь сиизы «Пельняньлэн дунневыл нуналаз» Ижкарын

  • 455
  • 0
Ижкар / Удмуртия
7 тонна пельнянь сиизы «Пельняньлэн дунневыл нуналаз» Ижкарын
Туспуктэм: Руслан Нуриахметов

8-тӥ тулыспалэ «Пельняньлэн дунневыл нуналэз» фестивальын Ижкарын улӥсьёс но куноос 7 тонна пельнянь сиизы. Шулдыръяськонлэн валтӥсь интыяз, Ижкарысь Шор площаде, ивортодэтъя «Удмуртия» агентстволэн корреспондентэз но вуылӥз.

Туэ фестиваль куатетӥзэ ортчиз ини. 2020-тӥ арын солэн нимыз «Ческыт выжыкыл» вал. Ужрад борды трос мукет каръёс, озьы ик кунъёс но итӥськизы.

Туннэ площадкамылэн сцена вылаз дуннелэн пӧртэм интыосысьтыз - Финляндиысь, Эстониысь, Москваысь, Мордовиысь но мукет улосвылъёсысь - трос гинэ меӵак герӟетъёсты но та усто праздникен гожтэм ӟечкыланъёсты адӟыны луэ
Лариса Буранова, Удмуртиысь йӧскалык политикая министр

Сяме пыремъя фестиваль арня ӵоже кыстӥськиз. Со дыр куспын Ижкарын сяна, элькунысьтымы мукет ёросъёсын но каръёсын пӧртэм пушкесъёсын пельнянь кутонъя мастер-классъёс ортчизы. Тужгес аспӧртэмъёсыз сырен но шпинатэн, кушманэн, чипеен но пӧртэм буёлоосыз пельняньёс луизы.

Пешникен пельнянь туж ческыт. Кылем арын басьтыса ачим пӧзьтылӥ. Пешникез тулыс бичало. Отын тужгес но кулэ луись витаминъёс
Галина Крупенко, фестивальлэн куноез

Пельнянь кутон сяна, арня ӵоже уксётӥрлык, ибырвесь, открытка лэсьтонъя мастер-классъёсы пыриськыны, удмурт дауркылъёсты но выжыкылъёсты кылзыны, удмурт фольклоръя театр возьматонъёсты учкыны, «Вожодырен» шудыны луонлык вал.

1-8 тулыспалэ Ижкарын «Пельняньлэн дунневыл нуналаз» 30 сюрс пала адями пыриськиз

«Пельняньлэн дунневыл нуналэз» фестиваль Ижкарысь Шор площадьын

10 фото
 

8-тӥ тулыспалэ, фестивальлэн валтӥсь но йылпумъясь нуналаз, Ижкарысь Шор площадьын спортъя ӵошатсконъёс ортчизы. Воргоронъёс понна командаен куать пӧртэм вожвылъяськонъёс дасязы, нош семьяос PelmenRun ӵошатсконын бызьылӥзы. Озьы ик мылкыд карисьёс пельнянь ибырвесьёс яке горд сюйлэсь киужъёс лэсьтыны дышетскизы.

Котькудаз ужрадэ пыриськисьлы «Арлы тырмыт пельнянь» шудытонэ пыриськыны билет сётъязы

Сиськыны яратӥсьёс но сюлэмзыя шутэтскон шедьтӥзы: «Межнациональный пельменный СЪЕСТ» ужрадын аспӧртэм пушкесъёсын пельняньёсты веръяны луэ вал, нош кельшемъёссэ – басьтыны но.

Удмуртилэн тӧроез Александр Бречалов но калыкен шулдыръяськонэ вуылӥз. Со семьяяз куинь пӧртэм сӥльлэсь пельнянь кутон сямзы сярысь вераз. Мерлыко вотэсъёсысь ас бамаз нош гожтӥз: «Пельняньлэн дорез» ниммес юнматӥм!».

Россия со ласянь туж узыр, сиён-юон ласянь. <…> Мон ваньзэ сиисько: макем ческытгес но огшорыгес, сокем умой
Александр Бречалов, Удмуртилэн тӧроез

Шулдыръяськон йылпумъянъёс лэсьтонэн но вожвылъяськонъёсын, акциосын вормисьёсты, «Золотой пельнянь» премиез басьтӥсьёсты пусъёнэн быриз. 

Наши партнеры

Наверх
Вниз