Ижкар+1 °C
26 -тӥ тулыспал 2020 Вирнунал
16+

Йӧскалык музейлы 100 ар тырмонлы туспуктэмъёсъя вожвылъяськон ялӥзы Удмуртиын

  • 435
  • 0
Ижкар / Удмуртия
Йӧскалык музейлы 100 ар тырмонлы туспуктэмъёсъя вожвылъяськон ялӥзы Удмуртиын
Туспуктэм: Руслан Нуриахметов

10-тӥ тулыспалэ Удмуртиысь Кузебай Герд нимо йӧскалык музей 100 ар тырмонэзлы туспуктэмъёсъя «И100рия – Ижевский Арсенал» вожвылъяськон ялӥз. Со сярысь ужъюртлэн пресс-службаез ивортэ.

Туспуктэмъёслэн валтӥсь героез Ижкарысь Арсеналлэн юртэз луыны кулэ

Вожвылъяськон улосвылмылэсь лулчеберетсэ но историзэ утён борды саклыкез кыскон, визьнодан, творчествоен вырыны мылкыд сётон но быгатонлыко туспуктӥсьёсты пусъён понна ортчытӥське.

Конкурс вить номинациосъя мыноз:

  • Архитектурая ракурс – тужгес техничной, архитектуралы сӥзем туспуктэмъёс;
  • Арт фото – Арсеналлэн аспӧртэм туспуктэмъёсыз, аспӧртэм обработка, авторлэн учконэз;
  • Арсеналэн селфи – тӥляд яке матысь адямиостылэн Арсенал азьын туспуктэмды;
  • Уй Арсенал – Арсеналлэн уйин яке ӝытазе лэсьтэм туспуктэмъёсыз;
  • «Из Арсенала с любовью» - Арсенал вӧзын сюанысь яке яратон сярысь фотосессиысь туспуктэмъёс.
Пыриськыны вань мылкыд карисьёсты ӧтё: ӧнерлыко туспуктӥсьёсты но, туспуктыны яратӥсьёсты но. Арлыдэз уз чаклалэ

Ужъёсты 21-тӥ инвожоозь nmur_photo@mail.ru электрон почтае «Фотоконкурс 2020» шуыса пусйыса келяно. Озьы ик «Вконтакте» но «Инстаграм» мерлыко вотэсъёсын музейлэсь аккаунтсэ пусйыса но #и100рия хештег пуктыса поттыны луоз.

Пыр-почгес ивор чӧлсконпусъя тодыны луэ. 

Вожвылъяськонлы йылпумъянъёсъя инвожое музейлэн «Вконтакте» мерлыко вотэсысь огиназ альбом кылдытозы но юртысь фойеын адӟытон радъялозы. 

Тодэ вайытом, Удмуртиын Выльысь улӟытэм гуртъёслэн «Деревня – душа России» нырысетӥ улосвылкуспо фестивальзылы пус кылдытонъя вожвылъяськон мынэ

Наши партнеры

Наверх
Вниз