160 ужрадъёсы 30 сюрс адями пыриськиз Удмуртиын пельняньлы сӥзем фестиваль улсын

  • 445
  • 0
Ижкар / Удмуртия
160 ужрадъёсы 30 сюрс адями пыриськиз Удмуртиын пельняньлы сӥзем фестиваль улсын
Туспуктэм: Руслан Нуриахметов

31-тӥ толшорысен 8 тулыспалозь «Пельняньлэн дунневыл нуналэз» фестиваль улсын Удмуртиын 160-лэсь трос ужрадъёс ортчизы, отчы 30 сюрс адями пыриськиз, ивортӥз фестивальлэн пресс-службаез. 

Фестиваль улсын творчествоя но пӧраськонъя мастер-классъёс, лыдӟетъюртъёсын лыдӟонъёс, шудонъёс, театр, кино возьматонъёс но мукет ужрадъёс ортчизы.

Пельняньлы сӥзем арняез Ижкарын сяна, элькунысьтымы эшшо 18 ёросъёсын пусйизы. Соос пӧлын Вотка, Глаз, Дэбес, Кизнер, Грак но Сюмси ёросъёс

Фестивальлэн валтӥсь нуналаз – 8-тӥ тулыспалэ – Шор площадьын «Великая книга» квестэ 80 командаос пыриськизы но удмурт визьбуролык бичетэз люказы. Эшшо 120 адями, кезьыт куазь шоры учкытэк, «PelmenRun» ӵошатскон улсын Ижкарысь урамъёс кузя бызьылӥз.

Шулдыръяськонэ выжыкыл геройёс пыриськизы – Тол Бабай но Баба-Яга. Нош «Великая книга» квестлэсь ӵошатсконъёссэ Вукузё, Нюлэсмурт, Тӧлпери, Коркамурт ортчытӥзы

Тодэ вайытом, «Пельняньлэн дунневыл нуналэз» фестивальлэн йылпумъян нуналаз, 8-тӥ тулыспалэ, Ижкарысь Шор площаде люкаськемъёс  7 тонна пельнянь сиизы

Фестиваль Ижкарын 2015-тӥ арысен ортчытъяське. Россиын 2020-тӥ арын тулыспалэ ортчись сиён-юонъя устоосыз вить фестивальёс пӧлын «Пельняньлэн дунневыл нуналэз» нырысетӥ инты басьтӥз.

Наши партнеры

Наверх
Вниз