Ижкар+22 °C
3 -тӥ пӧсьтолэзь 2020 Удмуртарня
16+

Гербер шулдыръяськонлэсь тодметпуссэ кылдытонъя вожвылъяськон ялӥзы Удмуртиын

  • 1395
  • 0
Ижкар / Удмуртия
Гербер шулдыръяськонлэсь тодметпуссэ кылдытонъя вожвылъяськон ялӥзы Удмуртиын
Туспуктэм: Руслан Нуриахметов

Удмуртиын Герберез радъясьёс улосвылкуспо йӧскалык праздниклэсь тодметпуссэ (логотипсэ) кылдытонъя вожвылъяськон ялӥзы. Со сярысь элькунысь Калыкъёслэн эшъяськон юртсылэн пресс-службаез ивортэ.

Тодметпус удмурт лулчеберетлэсь но кыллэсь азинскемзэс возьматыны, праздникез тодмамон карыны кулэ, озьы ик сое пӧртэм амалъёсын вӧлмытыны капчи мед луоз

Вожвылъяськонэ вань мылкыд карисьёс пыриськыны быгато. Ужъёсты hyd-ofddn@yandex.ru электрон адресъя 1-тӥ южтолэзёзь кутозы. Куронъёсын татын рос-просгес тодматскыны луоз.

Вожвылъяськон вормем пус Гербер праздниклэн ӟуч но удмурт кылъёсын нимлыко логотипез луоз. Сое ужкагазъёсын, синпель вузъёсын кутозы.

Вормисьлы 30 сюрс манет коньдонкузьым чакламын

Конкурслы йылпумъянъёсты 15-тӥ южтолэзь бере Удмуртиысь йӧскалык политикая министерстволэн но Калыкъёслэн эшъяськон юртсылэн сайтъёсазы шараялозы.

Тодэ вайытом, таяз арын элькун Гербер Вавож ёросын ортчоз. Туэ шулдыръяськонэз выль сяменгес радъяны малпало.  



Наверх
Вниз