Ижкар+15 °C
4 -тӥ гудырикошкон 2020 Пуксён
16+

Лымшор но шор удмуртъёслэн дӥсьёсынызы адӟытон усьтӥськиз «Лудорвай» музей-заповедникын

  • 605
  • 0
Ижкар / Удмуртия
Лымшор но шор удмуртъёслэн дӥсьёсынызы адӟытон усьтӥськиз «Лудорвай» музей-заповедникын
Туспуктэм: «Лудорвай» музей-заповедниклэн пресс-службаез

«Лудорвай» музей-заповедникысь волостной правленилэн юртаз «И в пир, и в мир, и в добрые люди» адӟытон ужаны кутскиз. Со сярысь ужъюртлэн пресс-службаез ивортэ.

Адӟытонэ лымшор но шор удмуртъёслэн вашкала дӥсьёсынызы тодматӥсь 100-лэсь трос котыръёс поттэмын

Учкисьёс нылкышноослэсь но воргоронъёслэсь шулдыръяськонъёсы ветлон но нуналлы быдэ нуллон дӥськутъёссэс адӟыны быгатозы, соос пӧлын: куэм дэремъёс, айшетъёс, дукесъёс, кышетъёс, бадӟым кышетъёс, йыркерттэтъёс, гындэм изьыос, сюлыкъёс, пыдкутъёс. Озьы ик экспозицие 20-тӥ даур кутсконын гуртысь нылпиослэн дӥськутъёссы поттэмын: дэремъёссы, ботинкаоссы, кутъёссы.

Адӟытон 4-тӥ южтолэзёзь ужалоз.

Тодэ вайытом, Удмуртиысь Кузебай Герд нимо йӧскалык музей 100 ар тырмонэзлы туспуктэмъёсъя «И100рия – Ижевский Арсенал» вожвылъяськон ялӥз.



Наверх
Вниз