Ижкар+11 °C
28 -тӥ куарусён 2020 Вордӥськон
18+

700 миллион манетлэсь трос коньдон басьтоз Удмуртия лулчеберет удысэз азинтонлы

  • 639
  • 0
Ижкар / Удмуртия
700 миллион манетлэсь трос коньдон басьтоз Удмуртия лулчеберет удысэз азинтонлы
Туспуктэм: Григорий Фомин

2020-тӥ арын Удмуртия лулчеберет удысэз азинтонлы федерал коньдэтысь 700 миллион манетлэсь трос коньдон басьтоз. Со сярысь журналистъёслы элькунысь лулчеберетъя министр Владимир Соловьёв вераз.

Федерал коньдэтысь ми туэ 700 миллионлэсь трос басьтом. <…> Сомында коньдон федерациысь ми ноку ӧм басьялэ
Владимир Соловьёв, Удмуртиысь лулчеберетъя министр

Со коньдон Россилэн азьмуртэныз Владимир Путинэн кичӧлтэм «Культура» йӧскалык ӵектосэз, партилэсь «Культура малой Родины» федерал ӵектоссэ (29 миллион манет) но «Комплексное развитие сельских территорий» федерал программаез улонэ пыӵатыны кошкоз.

Берпуметӥез программа улсын Шаркан ёросысь Сосновка черкогуртын лулчеберет юрт пуктозы но коллективлы автобус басьтозы, Шарканысь лулчеберет юртын тупатъян ужъёсты йылпумъялозы но Кез ёросысь огаз гуртын культура юртэз выльдозы.

Йӧскалык ӵектос улсын 2020-тӥ арын Алнаш ёросысь Асан черкогуртын, Яр ёросысь Дизьмино но Сьӧлта ёросысь Кӧпка черкогуртъёсын лулчеберет юртъёс пуктозы. Оглом сизьым культура юрт ӝутыны чаклало.

Озьы ик «Культура» йӧскалык ӵектос улсын элькунын тямыс автоклубъёс кылдозы

36 миллион манет искусствоосъя школаосысь но Ижкарысь кык колледжъёсысь ужан тӥрлыкъёссэс выльдыны кутозы. Котькуд колледж 10 миллион манет котыр уксё басьтоз.

Туэ но 2021-тӥ арын улосвылысь искусствоосъя школаосты тупатъяны но выльдыны федерал коньдэтысь ватсаса 102 миллион манет вуыны кулэ на

2020-тӥ арын Ижкарысь искусствоосъя 1 номеро нылпи школаез тупатъяны чаклало, 2021-тӥ арын – искусствоосъя Пётр Чайковский нимо 2 номеро нылпи школаез. Озьы ик Можгаысь нылпиослы чеберлыкъя Анатолий Леонтьев нимо школаын но Воткаысь искусствоосъя 2 номеро нылпи школаын выльдон ужъёс нуыны малпало.

Туэ южтолэзь пумозь ужъёсты быдэстыны кулэ луись ужкагазъёсты дасялозы. 

Тодэ вайытом, 2020-тӥ арын «Культура» йӧскалык ӵектосэз быдэсъяны Удмуртиын 214 миллион манет пала висъязы.



Наверх
Вниз