100 лет государственности Удмуртии
Ижкар+19 °C
31 -тӥ куартолэзь 2020 Воскресенье
16+

Сергей Матвеевлэн роман-чигвесез потӥз Ижкарын

  • 466
  • 0
Ижкар / Удмуртия
Сергей Матвеевлэн роман-чигвесез потӥз Ижкарын
Туспуктэм: Алексей Арзамасцев

«Удмуртия» издательствоын удмурт гожъяськисьлэн Сергей Матвеевлэн «Нылкышно саюлын» выль книгаез потӥз. Кызьы вераз автор ивортодэтъя «Удмуртия» агентстволэн корреспондентэзлы, бичетэ одӥг пуштросэн огазеям веросъёсыз пыризы, соин ик сое роман-чигвесь шуыса нимаз.

Пӧртэм аръёсы веросъёс выллем гожтэмын вал. Собере, дыр ортчыса, адӟи, солэн кыӵе ке но пуш огъясез вань. Соосты огазе бичай мар ке но амал ласянь, и со быдэс роман выллем пӧрмиз. Отын мар пуштросэз, ачиз ним возьматэ – «Нылкышно саюлын». Та улонын мыным кыӵе нылкышноос, нылъёс мар ке но ласянь сётӥзы ӟечсэ, умойзэ, оло, куректонозэ но сётӥзы, курадӟонзэ но – пуштросэз соин герӟаськемын
Сергей Матвеев, гожъяськись

Солэн верамезъя, та роман ачиз сярысь, малы ке шуоно ваньмыз ас пушкытӥз поттэмын. Нош книгазэ анаезлы Нина Ивановналы сӥзиз.

Жаляса верано луэ, сизьым ар талэсь азьло улонысь кошкиз, и мон али валасько, мон ваньзэ учкисько кызьы ке но анае пыртӥ шуод-а, мар-а: кышноос шоры, ваньмыз шоры, мар со вера вал
Сергей Матвеев, гожъяськись

Сергей Матвеев оскемзэ вераз, та книгаез лыдӟисьёс со шоры мукет синмын учкозы шуыса. Солэн кылъёсызъя, егит дыръяз эгоист вал, нырысь ик ассэ усьтыны тыршылӥз, но арлыдэз будэмъя улон шоры, адямиос шоры учконэз воштӥськиз. Туннэ гожъяськись лыдъя: котькуд адями – со быдэс дунне, сое гажаны кулэ. Соин ик лыдӟисьсэ но гажамез потэ шуыса пусъе.

Со «самовлюбленный Матвеев ачиз сярысь вера» шуыса гинэ медаз лыдӟы, аслыз мар ке кулэзэ но мед шедьтоз, улон сярысь малпаськонэз но мед адӟоз. Улонмы туж маскара но, одӥг ласянь, туж секыт но, туж ческыт но, шуом - ваньзэ сое мед шӧдоз. Мон малпасько, та мед луысал кема-кема пукем аракы кадь, кудӥз пукемезъя ческытгес но курытгес луэ. Мыным туж потэ вал, Матвеевез ӧжытак мукетгес синмын мед учкозы шуыса: «со мӧйымем ни» мед шуозы, «мукетгес малпаськыны кутскем» мед шуозы
Сергей Матвеев, гожъяськись

Тодэ вайытом, та ар кутсконын «Удмуртия» издательство «Туала удмурт поэзия» но «Туала удмурт проза» антологиос поттӥз



Наверх
Вниз