100 лет государственности Удмуртии
Ижкар+3 °C
30 -тӥ южтолэзь 2020 Вордӥськон
16+

Удмурт пиналъёслы «Усточикар» лагерь Башкириын грант утӥз

  • 1055
  • 0
Татышлы / Россия
Удмурт пиналъёслы «Усточикар» лагерь Башкириын грант утӥз
Туспуктэм: addnrb.ru

14-тӥ тулыспалэ Башкортостанысь Татышлы ёросын егитъёслэн «Память поколений» форумазы удмурт пиналъёслы «Усточикар» улосвылкуспо лагерьлэн ӵектосэз муниципал грант утӥз. Со сярысь Башкортостанысь Калыкъёслэн эшъяськон юртсылэн пресс-службаез ивортэ.

Форумын «Усточикар» лагерьлэн ӵектосэныз Историяя но лулчеберетъя центрен кивалтӥсь Ирина Самигулова тодматӥз. Солы Выль Татышлыысь шоръёзо школаын 8-тӥ классын дышетскись Мария Константинова юрттӥз. Нылаш лагерьын шутэтскемез но «Удмурт дӥськут дизайн» ӧре пыриськемез сярысь мадиз.

Сяме пыремъя «Усточикар» лагерь туэ гудырикошконэ тазалыкез кыдатонъя Комаров нимо лагерьын ортчоз

Пусъём, удмурт пиналъёслы «Усточикар» лагерь Башкириын 2003-тӥ арысен ужа. Арлы быдэ отчы 100 пала быгатонлыко пиналъёс люкасько. Соос, шутэтскем сяна, пӧртэм ӧръёсъя тодон-валан люкало: эстрада, фольклор, театр, журналистика, удмурт дӥськут дизайн, кызьпу туен вырон. Озьы ик соос удмурт сям-йылолъёсын, лулчеберетэн тодматско. Вань занятиос, ужрадъёс удмурт кылын ортчо. 

Кылем арын лагере Удмуртиысь, Пермь шаерысь но Башкириысь 90 нылъёс но пиос пыриськизы



Наверх
Вниз