100 лет государственности Удмуртии
Ижкар+19 °C
31 -тӥ куартолэзь 2020 Воскресенье
16+

«Тол келян» шулдыръяськон ортчоз Ижкарын 1-тӥ южтолэзе

  • 404
  • 0
Ижкар / Удмуртия
«Тол келян» шулдыръяськон ортчоз Ижкарын 1-тӥ южтолэзе
Туспуктэм: Алексей Арзамасцев

1-тӥ южтолэзе Ижкарысь Кызьпу арамаын «Тол келян» шулдыръяськон ортчоз. 19-тӥ тулыспалэ «Удмурт Кенеш» огазеяськонлэн Ижкарысь ёрос ёзэтъёсызлэн кивалтӥсьёссы но ёзчиосыз праздниклэн пуштросэзъя кенешон ортчытӥзы. Со сярысь огазеяськонлэн пресс-службаез ивортэ.

Праздникез Ижкарын улӥсь удмурт егит семьяослы сӥзьыны вераськизы - карын улӥсь пиналъёс удмурт кылэз тросгес мед кылозы, асьсэлы удмурт эшъёс мед шедьтозы. 

Эшъёс, капчи мылкыдын пумиталом тулысэз удмуртъёслэн пумиськон интыязы – Ижкарысь Кызьпу арамаын. Арган куара но шулдыр удмурт кырӟанъёс чузъяськозы праздникын. Сьӧрамы ваёмы пӧсь чай но табань-мильым. Ог-огмес куноялом но «Тол келянэн» ӟечкылалом
«Тол келян» шулдыръяськонэз радъясьёс

Ужрад 11 часын кутскоз. Праздниклэн радлыказ:

- «кизилиен» зарядка;

- удмурт кырӟан-эктонъёс;

- семьяос куспын ӵошатсконъёс;

- удмурт калык шудонъёс.

Шулдыръяськонэз «Удмурт Кенеш» огазеяськон, Ижкарысь Кузебай Герд нимо йӧскалык гимназия но Флор Васильев нимо библиотека.

Тодэ вайытом, «Лудорвай» музей-заповедникысь волостной правленилэн юртаз лымшор но шор удмуртъёслэн дӥськутъёсынызы «И в пир, и в мир, и в добрые люди» адӟытон усьтӥзы



Наверх
Вниз