Ижкар+7 °C
26 -тӥ куарусён 2020 Кӧснунал
18+

Атыкай музъемез утисьёслэн нуналзылы удмурт ужрад ортчытӥзы Башкириын

  • 1128
  • 0
Выль Татышлы / Россия
Атыкай музъемез утисьёслэн нуналзылы удмурт ужрад ортчытӥзы Башкириын
Туспуктэм: vk.com (Ирина Самигулова)

Атыкай музъемез утисьёслэн нуналзы азьын Башкириысь Выль Татышлы гуртысь лыдӟетъюртын «Дедовнучок» ужрад ортчытӥзы. Отчы 1-4 классъёсын дышетскись пиос но соослэн песятай-ӵужатайёссы пыриськизы. Со сярысь ивортодэтъя «Удмуртия» агентстволэн корреспондентэзлы Башкириысь удмуртъёслэн Историяя но лулчеберетъя центренызы кивалтӥсь Ирина Самигулова вераз.

Ужрадэ кык песятайёс но куать ӵужатайёс нунокъёсынызы пыриськизы. Тужгес мӧйыезлы ӵужатайлы 85 арес вал. Пумиськон быдэсак удмурт кылын, удмурт сямен ортчиз. 

Туж тунсыко ортчиз. Пиналъёс веразы асьсэлэн песятайзы, ӵужатайзы сярысь, ӵужатайёс но песятайёс веразы асьсэлэн пиоссы сярысь. Собере трос пӧртэм тунсыко конкурсъёс вал, шуом, пантомима песятайёссэс возьматоно, кызьы соос газет лыдӟо, кызьы соос футболэн шудо, кызьы соос чорыгало. Туж тунсыко возьматӥзы сое пиналъёс
Ирина Самигулова, Башкириысь удмуртъёслэн Историяя но лулчеберетъя центрзылэн кивалтӥсез

Нош песятай-ӵужатайёс машинаосын гонщик кариськыса шудӥзы, ӵошатскизы, историлы сӥзем визьсынан пыр ортчизы.

Ужрад бере ваньзы ик люкаськемъёс удмурт дӥсьёсын пӧрмытскыса туспуктэмъёс лэсьтӥзы. Нош пиос песятай-ӵужатайёссылы ас киосынызы лэсьтэм медальёс кузьмазы.

Ирина Самигуловалэн верамезъя, таӵе ужрад радъяны малпанзы кемалась вал ини, уго сцена вылысь ӵемгес нылкышноосты гинэ адӟод, нош потэ вылэм зэмос воргоронъёсты но адӟем, эшшо ик песятай-ӵужатайёсты, уго со выжы кусыпъёс кылдытыны, пиналъёсты визьноданы но юрттэ.

Озьы ик Ирина Самигулова нимысьтыз тау кариз кузьымъёсын юрттӥсьсылы – Россиысь ДОСААФ-лэн Татышлы ёросысь ёзэтэзлы. «Спонсоръёс луыку туж умой», - пусйиз со.

Тодэ вайытом, Удмуртиын патриот мылкыдо удмурт кырӟан гожтонъя «Быдӟым вормонлы сӥзисько» вожвылъяськон мынэ. 



Наверх
Вниз