100 лет государственности Удмуртии
Ижкар+3 °C
30 -тӥ южтолэзь 2020 Вордӥськон
16+

Удмурт кылбурчиослэн вожвылъяськонзы ортчиз Ижкарын Анай кыллэн нуналаз

  • 1023
  • 0
Ижкар / Удмуртия
Удмурт кылбурчиослэн вожвылъяськонзы ортчиз Ижкарын Анай кыллэн нуналаз
Туспуктэм: Алексей Арзамасцев

21-тӥ тулыспалэ, Анай кыллэн калыккуспо нуналаз, литературая «Кенеш» журнал Ижкарын удмурт кылбурчиос понна поэтри-слэм ортчытӥз. Вожвылъяськонэ 15 пала адями пыриськиз.

Та слэмлэн валтӥсь куронэз – ачид гожтыны кулэ, ачид лыдӟыны кулэ, ӝоглык луыны кулэ. Лыктыны мылкыд карисьёс трос вал. <…> Зэмос кылбурчиосты классикъёсты ӧтимы, озьы ик кин мылкыдызъя кылбура
Антонида Ермолина, «Кенеш» журналлэн валтӥсь редакторезлэн воштӥсез

Нырысетӥосыз пӧлын ужрадэ Алнаш ёросысь Раиса Корепанова вуиз. «Мон кылбурчи ӧвӧл», шуэ со. Куд-ог ужъёсыз газет-журналъёсын потыло, тросэзгес тетрадяз кылё.

Кылбурчиослэсь лыдӟисько - туж тунсыкоесь, туж чебересь. Мынам озьы уггес пӧрмы, соин ик мон калыке поттыны сое керпотӥсько. Вань вордӥськем гуртэ сярысь, вань анаелы сӥземез, вань Алнаш ёросэлы сӥземез
Раиса Корепанова, кылбурето вожвылъяськонэ пыриськись

Удмурт кылбурчиослэн вожвылъяськонзы ортчиз Ижкарын

13 фото

Кылбурчиос асьсэос ик ог-огзылы дунъет сётӥзы. Вожвылъяськонлэн нырысетӥ люкетаз вить адями одӥг мындагес кура люказ.

Галина Абрамова, Татьяна Чернова, Елена Миннигараева одӥг мындагес куара люказы. Соослэсь одӥг куралы гинэ ӧжытгес люказ Анастасия Шумилова. Собере ваньмыз куризы на Галина Самсоноваез пусйыны, со войналы сӥзем кузь балладазэ лыдӟиз, сыӵе сюлэмез бугыртӥсь
Ольга Бородина, «Кенеш» журналлэн валтӥсь редакторез

Кыкетӥ люкетаз вить кылбурчиос пӧлысь кылзӥсьёслы Галина Абрамова но Татьяна Чернова тужгес кельшизы. Радъясьёс витезлы ик та ужрадлы тужгес тупась кузьымъёс - книгаос - сётӥзы. 

Антонида Ермолиналэн верамезъя, «Кенешез» лыдӟисьёс пӧлын трос гинэ кылбур гожъянэн вырисьёс. Соослэн ужъёссы журналлэн котькудаз сямен номерын пото.

Азьланяз тани вань сыӵе мылкыдъёсмы милям, «Кенеш» журналлэсь виртуальной музейзэ кылдытыны: мед кылёзы со гожъясьёсмылэн куараоссы, мед кылёзы гожтӥськыса соослэн кылбуръёссы
Антонида Ермолина, «Кенеш» журналлэн валтӥсь редакторезлэн воштӥсез

Тодэ вайытом, Удмуртиысь Печатья но калыке ивортодэт вӧлмытонъя агентство но «Кенеш» журналлэн редакциез 2020-тӥ ар понна удмурт кылын тужгес кужмозэ чеберлыко литература ужез шараянъя вожвылъяськон ялӥзы



Наверх
Вниз