100 лет государственности Удмуртии
Ижкар+18 °C
28 -тӥ куартолэзь 2020 Покчиарня
16+

Пичи гуртъёс пыр быдэс кунлэн историез адӟиське: Удугуӵин черкогурт сярысь книга потӥз Удмуртиын

  • 294
  • 0
Ижкар / Удмуртия
Пичи гуртъёс пыр быдэс кунлэн историез адӟиське: Удугуӵин черкогурт сярысь книга потӥз Удмуртиын
Туспуктэм: vk.com (Удмуртия Книжное-Издательство)

Ува ёросысь одӥг черкогурт пыр быдэс кунлэн историез. Озьы шуыны луоз «Удмуртия» издательствоын потэм Зоя Кононовалэн «Удугучин и удугучинцы» книгаезлэн пуштросэз сярысь. Кызьы вераз ивортодэтъя «Удмуртия» агентстволы книгапоттониысь валтӥсь редактор Георгий Грязев, книга Удугуӵин школаысь ӟуч кылъя но литературая, историяя дышетӥсьлэсь ог ӝыны даур ӵоже люкам материалъёссэ огазеяз.

Черкогуртлэн историез отын улӥсьёслэн тодэ ваёнъёссы пыр возьматэмын.

Та нырысетӥез рос-прос книга, кытын вашкала черк бордысен кутскыса, кызьы со кылдӥз, возьматэмын гуртлэн но «Свобода» хозяйстволэн азинсконэз. Татын вунэтэмын ӧвӧл ожысь ветеранъёс но, Афганистанэ пыриськемъёс но, Чечняе ветлэмъёс но, ужась адямиос но, кудъёсыз туннэ дан ваё та хозяйстволы. Шуныт тодэ ваёнъёс пыр верамын аслад вордскем гуртэд сярысь, аслад тодмо интыосыд сярысь
Георгий Грязев, «Удмуртия» издательстволэн валтӥсь редакторез

Ачиз Зоя Кононова Дэбес ёросын вордскемын, Удугуӵинэ дышетскемез бере ужаны лыктӥз. Но книга гожтэмын озьы, вань улонзэ та черкогуртын ортчытӥз кадь, шуэ Георгий Грязев.

320 бамъем книгаез Зоя Кононова аслаз коньдонэныз поттӥз

Книгаын нимысьтыз саклык висъяське черкогуртысь лулчеберет юртлы, школалы, нош ваньмыз Дун-чылкыт Александр Невскийлы сӥзем черк бордысен кутске. Пулэсь ӝутэм вӧсьлык юртлы даурлэсь трос ни.

Со али но сылэ, ужа. Документъёсъя со ноку но пытсаськемын ӧй вал, хотя война вакытэ отын склад вал ик – воземын ю тысь. Вот со котыртӥ берга быдэс та гуртлэн историез. Та бордысен ик азинске Удугучин, будэ, та черк котыртӥ коркаос пуксё
Георгий Грязев, «Удмуртия» издательстволэн валтӥсь редакторез

Совето вакытъёсы тросэз вӧсьлык юртъёс ворсамын, быдтэмын вал, соин ик черке пыртон понна Удмугуӵинэ палэнысь трос адямиос вуылӥзы. Отын гожтэмъёсъя выжыос сярысь ивортодэт шедьтыны луоз.

Издательстволэн валтӥсь редакторез Удугуӵинысь черклы сӥзем нимысьтыз книга поттыны дасяськемзы сярысь но ялӥз. Со бордын черкын ужась отец Максим Пислегин тырше.

«Со архивъёс вылэ пыкиське ни. 90 процентэз архив. Даже Михаил Елабужскийлэсь, сыӵе тодмо священник, кудӥз ужамын та черкогуртын, солэсь ужъёссэ нырысьсэ, рукописе кылем маосты ке, пыртомы нимысьтыз книгае, кытын вераське та черклэн усьтӥськемез, солэн азинскемез, кыӵе баӵкоос отын ужазы», - вераз Георгий Грязев

Солэн кылъёсызъя, таӵе книгаос нимаз черкогуртлы сӥземын ке но, соос мукет интыосын улӥсьёслы, шаертодонэн вырисьёслы но тунсыко луозы.

Ваньмыз пичиысен кутске. Со пичи пырыослэсь кылдэ быдэс Россия. Таӵе пичи гуртъёс пыр адӟиське не только Удмуртия гинэ, не только Ува ёрос гинэ, быдэс Россия адӟиське
Георгий Грязев, «Удмуртия» издательстволэн валтӥсь редакторез

Тодэ вайытом, 2019-тӥ арын Удмуртиысь Лулчеберетъя кылёсбурез кун ласянь утёнъя агентство Ува ёросысь Чекан черкогуртысь Николай Чудотворецлэсь черксэ лулчеберетъя кылёсбурен лыдъяськись объектъёсын лыдметэ пыртӥз



Наверх
Вниз