100 лет государственности Удмуртии
Ижкар+4 °C
1 -тӥ оштолэзь 2020 Вирнунал
16+

Моцартлэсь скрипказэ нырысьсэ ваёзы Воткае Пётр Чайковскийлэн музей-усадьбаяз

  • 874
  • 0
Вотка / Удмуртия
Моцартлэсь скрипказэ нырысьсэ ваёзы Воткае Пётр Чайковскийлэн музей-усадьбаяз
Туспуктэм: Григорий Фомин

7-8-тӥ куартолэзе Воткаын П. И. Чайковскийлэн музей-усадьбаяз Вольфганг Амадей Моцартлэсь скрипказэ возьматозы. Со сярысь ужъюртлэн пресс-службаез ивортэ.

Таяз арын скрипкалы 256 ар тырме ни. Сое итальян усточи Пьетро Антонио Далла Коста 1764-тӥ арын лэсьтӥз. Моцарт Венаын улыкуз соин шудӥз

Скрипка Италие, Германие, Японие, Швейцарие, Литвае, Кубае, Украинае вуылӥз ни, туэ нырысьсэ сое Россие ваё. Воткаысь музейлы крезьгуро арбериез Зальцбургысь (Австрия) «Моцартеум» фонд сётэ, со Моцартлэсь кылёсбурзэ утёнын но азинтонын валтӥсь калыккуспо ужъюрт луэ.

Воткаысь коркаяз Пётр Чайковский Моцартлэсь произведениоссэ кылӥз но солэсь крезьгурзэ вань улытозяз яратӥз: «Улонме крезьгурлы сӥзи шуыса, Моцартлы тау карисько».

Тодэ вайытом, 24-тӥ южтолэзьысен 7-тӥ куартолэзёзь Удмуртиын «П.И. Чайковскийлэн вордӥськем шаераз» 63-тӥ фестиваль ортчоз, сое радъяны 10 миллион манет висъязы. Ужрадэ тодмо крезьгурасьёс лыктозы. Нош 1-тӥ оштолэзе Крезьгуръя элькун колледжын «100 вопросов о Чайковском» книгаен тодматозы



Наверх
Вниз