100 лет государственности Удмуртии
Ижкар+3 °C
30 -тӥ южтолэзь 2020 Вордӥськон
16+

Удмурт спектакльёсты элькун телеканалын возьматозы

  • 688
  • 0
Ижкар / Удмуртия
Удмурт спектакльёсты элькун телеканалын возьматозы
Туспуктэм: Григорий Фомин

Удмуртиысь йӧскалык театрлэсь удмурт кылын спектакльёссэ, озьы ик филармониысь коллективъёслэсь концертъёссэс сӥзьылысен «Удмуртия» («Мынам Удмуртие») телеканалын возьматозы. Со понна «Культура» йӧскалык ӵектос улсын улосвыл коньдэтысь уксё висъязы. Со сярысь ивортодэтъя «Удмуртия» агентстволы элькунысь лулчеберетъя министр Владимир Соловьёв вераз.

Коньдон висъямын, приказъёс министерствоя лэсьтэмын. Али соос куспазы, театр но «Моя Удмуртия» телерадиокомпания, верасько. <…> Асьмелэн удмурт спектакльёслэн улон даурзы куинь-ньыл ар, собере соос «пересьмо», ветлэмысь адями дугдэ, нош историе то кыльыны кулэ. Со нырысетӥез. Кыкетӥез, вань адями театре лыктыны уг быгаты, уката ик гурт калык. Нош со пуктэм уж медаз бырысал кык-куинь яке куинь-ньыль ар ужамез бере, мед кыльысалыз азьланезлы но
Владимир Соловьёв, Удмуртиысь лулчеберетъя министр

Йӧскалык театрлэн кивалтӥсезлэн Андрей Ураськинлэн кылъёсызъя, али ньыль спектакль сярысь вераськизы. Съёмкаосты инвожо пумын – пӧсьтолэзь кутсконын ортчытыны малпало, куке театр сезон йылпумъяськоз ни.

Асьме авторъёслэн пьесаоссыя спектакльёсмес одно ик гожтыса кельтыны кулэ
Андрей Ураськин, Удмуртиысь йӧскалык театрлэн кивалтӥсез

Солэн верамезъя, гожтозы сцена вылын али мынӥсь спектакльёсты, угось вужъёсызлэн декорациоссы утиськемын ӧвӧл ни. Нош азьланяз нылпиослы спектаклез но телевизор пыр учкыны луоз, оло.

Милям планамы вань удмурт кылын пуктыны выездной выжыкыл, сое вот лэсьтӥм ке, одно ик тоже гожтом
Андрей Ураськин, Удмуртиысь йӧскалык театрлэн кивалтӥсез

«Удмуртия» телерадиокомпанилэн валтӥсь редакторез Влада Одинцова верамъя, элькун филармониен кырӟанъя но эктонъя «Италмас» ансамбльлэсь но кун симфони оркестрлэсь концертъёссэ гожтон сярысь верасько. Со сяна, фольклор кырӟанъя но эктонъя «Айкай» театрлэсь концертъёссэ снимать карозы. 

Тодэ вайытом, али Удмуртиысь йӧскалык театр выль форматэн спектакль возьматыны дасяське.



Наверх
Вниз