Ижкар+32 °C
10 -тӥ пӧсьтолэзь 2020 Удмуртарня
16+

Лулчеберет юртъёсын быдэстэм устоосыз ӵектосъёс коньдонлы сертификатъёс басьтӥзы Удмуртиын

  • 758
  • 0
Ижкар / Удмуртия
Лулчеберет юртъёсын быдэстэм устоосыз ӵектосъёс коньдонлы сертификатъёс басьтӥзы Удмуртиын
Туспуктэм: vk.com (Этно-театр «Колеса питран»)

Россиысь лулчеберетъя министерстволэн «Дом культуры. Новый формат» вожвылъяськонэзлэн улосвыл люкетаз Удмуртиын куать ӵектосъёс вормизы Со сярысь «ВКонтакте» мерлыко вотэсысь бамаз элькунысь лулчеберетъя министр Владимир Соловьёв ивортӥз.

Вормись ӵектосъёс:

- «Клуб досуга «Бархатный сезон»: активное долголетие и оптимизм», Сарапулысь радиозаводлэн лулчеберетъя дворецез;

- Удмурт лулчеберетъя «Туклячиос дорын» центр, Якшур-Бӧдья ёросысь Якшур гуртысь ивортодэтъя но лулчеберетъя центр;

- Егит усточиослэн «Театр для всех» лабораторизы, Сарапул ёросысь лулчеберетъя «Северный» центр;

- «Летят журавли», Можга ёросысь Пичи Сюгаысь лулчеберет юрт;

- «Творчествоя «Сел Ты в театре» лабораториез кылдытон», Сьӧлта ёросысь лулчеберет юрт;

- «Колёса питран», Яр ёросысь лулчеберетъя но туризмъя центр.

Удмуртиысь лулчеберетъя министерстволэн коллегиезлэн кенешоназ котькуд вормись коллективлы 100 сюрс манетлы сертификатъёс сётӥзы.

Владимир Соловьёвлэн кылъёсызъя, вожвылъяськонлэн улосвыл люкетаз Балезино, Дэбес, Красногорск, Можга, Сьӧлта, Сарапул, Шаркан, Юкаменск, Якшур-Бӧдья, Яр ёросъёсын, Сарапулын, Воткаын, Ижкарын но Можгаын быдэстэм 17 ӵектосъёс пыриськизы. 

Тодэ вайытом, азьвылгес Владимир Соловьёв 2020-тӥ арын Удмуртия лулчеберет удысэз азинтонлы федерал коньдэтысь 700 миллион манетлэсь трос коньдон басьтоз шуыса ивортӥз вал. 



Наверх
Вниз