100 лет государственности Удмуртии
Ижкар+4 °C
1 -тӥ оштолэзь 2020 Вирнунал
16+

Туала калык культурая «Тангыра» фестиваль кыкетӥзэ ортчоз Ижкарын куартолэзе

  • 690
  • 0
Ижкар / Удмуртия
Туала калык культурая «Тангыра» фестиваль кыкетӥзэ ортчоз Ижкарын куартолэзе
Туспуктэм: vk.com (Фестиваль современной этнокультуры ТАНГЫРА)

Туэ 29-30 куартолэзе Ижкарын кыкетӥзэ туала  калык культурая «Тангыра» фестиваль ортчоз. Со сярысь ивортодэтъя «Удмуртия» агентстволэн корреспондентэзлы удмурт егитъёслэн «Шунды» огазеяськонзылэн тӧроез, Удмуртиысь Калыкъёслэн эшъяськон юртысьтызы ӧнерчи Алина Чернова вераз.

Солэн кылъёсызъя, туэ фестивальлэн валтӥсь люкетэз Ижкарысь Шор площадьын ортчоз.

Ужрадэ, Удмуртиысь сяна, Марий Элысь, Карелиысь, Чувашиысь, Башкириысь, Татарстанысь, Ханты-Манси автоном округысь, Мордовиысь, озьы ик Венгриысь пыриськисьёсты ӧтьыны малпало. Программаын финн-угор дӥськут вурисьёслэн, кибашлыослэн, этно-фолк жанрен финн-угор кырӟасьёслэн но коллективъёслэн, озьы ик тюрк калыкъёслэн возьматонъёссы луозы.

Малпаськом кылем арын но кырӟась коллективъёсты ӧтьыны, малы ке шуоно ваньзы адӟыны ӧз быгатэ куазен сэрен. Соин ик туэ Шор площадьын озьы ик асьсэзыз возьматыны мед быгатозы
Алина Чернова, удмурт егитъёслэн «Шунды» огазеяськонзылэн тӧроез

Фестиваль улсын туала финн-угор фильмъёсты но клипъёсты возьматыны чаклало

Нош кыкетӥ нуналаз радъясьёс куд-ог коллективъёсты ёросъёсысь Калыкъёслэн эшъяськон юртъёсазы поттыны малпало, кылсярысь, Глазкаре, Эграе, Можгае, Сарапулэ.

Тодэ вайытом, кылем арын нырысетӥез «Тангыра» фестиваль 9-тӥ гудырикошконэ ортчиз



Наверх
Вниз