100 лет государственности Удмуртии
Ижкар+4 °C
1 -тӥ оштолэзь 2020 Вирнунал
16+

Йӧскалык дӥсен нылпиосын туспуктэмъёсъя вожвылъяськонэ пыриськыны быгато Удмуртиын улӥсьёс

  • 704
  • 0
Ижкар / Удмуртия
Йӧскалык дӥсен нылпиосын туспуктэмъёсъя вожвылъяськонэ пыриськыны быгато Удмуртиын улӥсьёс
Туспуктэм: Никита Иванов

Удмуртиын улӥсьёс туспуктэмъёсъя «Дети России-2020» вожвылъяськонэ пыриськыны быгато. Отын 14 аресозь нылпиос Россиын улӥсь калыкъёслэн дӥськутэнызы возьматэмын луыны кулэ. Со сярысь «Национальный акцент» портал ивортэ.

Ужъёсты 15-тӥ куартолэзёзь deti@nazaccent.ru электрон адресъя куто. Туспуктэмъёслы но пыриськон куронъёсты вожвылъяськонлэн валатэтысьтыз (положение) тодыны луоз.

Вожвылъяськонын вормисьёслэсь нимъёссэс Нылпиосты утёнъя калыккуспо нуналэ 1-тӥ инвожое шараялозы. Одӥгзэ вормисез жюри быръёз, кыкетӥзэ – интернетын куара сётонэн

«Дети России» конкурсэз Калык кусыпъёсъя журналистикалэн гильдиез радъя. Вожвылъяськонлэн ужпумез – выжыослэсь герӟаськемзэс, Россиын улӥсь калыкъёслэсь пӧртэм лулчеберетсэс возьматон, семьяосын йӧскалык лулчеберетэз улӟытонлы мылкыд сётон.

Азьвыл вожвылъяськонысь устоосыз туспуктэмъёс «Дети России» адӟытонэ люкамын, сое кунысь пӧртэм улосвылъёсын возьмато.

Тодэ вайытом, удмурт кылэз тодӥсь дышетскисьёсты покчиослы литератураез ӟучысь удмурт кылэ берыктонъя «Лулчеберет выж: ӟуч - удмурт» вожвылъяськонэ пыриськыны ӧтё.  



Наверх
Вниз