100 лет государственности Удмуртии
Ижкар+19 °C
31 -тӥ куартолэзь 2020 Воскресенье
16+

Цирк устолыкъя XIII калыккуспо фестиваль йылпумъяськиз Ижкарын

  • 117
  • 0
Ижкар / Удмуртия
Цирк устолыкъя XIII калыккуспо фестиваль йылпумъяськиз Ижкарын
Туспуктэм: Руслан Нуриахметов

9-тӥ южтолэзе Ижкарын цирк устолыкъя 13-тӥез калыккуспо фестиваль йылпумъяськиз. 2020-тӥ арын учкисьёсты Колумбиысь, Франциысь, Эфиопиысь, Украинаысь, Финляндиысь, Испаниысь, Аргентинаысь, Германиысь но Россиысь артистъёс шумпоттӥзы, оглом 19 коллективъёс но нимаз возьматӥсьёс.

Дунъясьёс укмыс группаез пусйизы.

Нырысетӥ инты:

- «Восходящие», ньыль акробатъёс, Россия;

- «Свадьба», дорожка вылын группаен акробатъёс, Россия;

- Филатовъёслэн «Медвежий цирк» аттракционзы, кивалтӥсез Александр Филатов, Россия.

Кыкетӥ инты:

- Данил но Оскар, акробатъёс, Украина;

- «Озорной профессор» Владимир Георгиевский, комической трамплин, Россия;

- Муратов джигитъёс, Россия.

Куинетӥ инты:

- Майкл Феррери, жонглёр, Испания;

- «Герлингс» канатоходецъёс, кивалтӥсьсы Даглас Герлинг, Колумбия;

- «Джамп’н’ Ролл» дуэт, пул вылын тэтчан, кивалтӥсьсы Виктор Рощин, Россия.

Кызьы вераз ивортодэтъя «Удмуртия» агентстволэн корреспондентэзлы фестивальлэн азвесь призёрез Владимир Георгиевский, со 50 арес тырмонэзлы туж умой кузьым.

Мылкыды туж умой. Ижкарысь фестивале мон нырысьсэ пыриськисько, но троссэ артистъёсты уно аръёс ӵоже тодӥсько ни. Ачиз фестиваль вылӥ уровенен. Мон дуннеысь тросаз цирк но театр фестивальёсын вал, вераны кулэ, ваньмыз туж ӟеч радъямын
Владимир Георгиевский, комик-акробат

Ижкар бере артистлэн Германиысь Мюнхенын гастрольёсыз кутско, собере куать толэзьлы Дание мыноз.

Фестивальын сое нуись но бадӟым инты басьтэ. Артистъёсты ялэм сяна, со декорациосты воштон дыръя учкисьёсын но ужаны кулэ.

Куке артистъёс фестивале лыкто, соос ваньзы одӥг кадесь. Соос ваньзы тулкымъясько. Милям ужпуммы, соослы каньыл мед луоз шуыса, соос медаз тулкымъяське, кытын ке буйгатыны яке мар ке серемзэ вераны. Фестиваль – со секыт история
Андрей Иванов, Ижкарын цирк устолыкъя XIII калыккуспо фестивалез нуись

Озьы ик со пусйиз, учкисьёслы фестиваль туж кельше шуыса.

Быдэс дуннеын, куке номер кельше, адямиос залын султо. Татын учкисьёс кепырало. Кин ке султыны кутске но адӟе, нокин уг султы шуыса, пуксе. Мон адӟисько, калыклы кельше шуыса
Андрей Иванов, Ижкарын цирк устолыкъя XIII калыккуспо фестивалез нуись

Таяз арын фестиваль возьматонъёсты учкыны 15 сюрс пала адями ветлӥз.



Наверх
Вниз