Ижкар+15 °C
4 -тӥ гудырикошкон 2020 Пуксён
16+

Шаркан ёросын финн-угор сиён юонъя «Быг-Быг» фестиваль туэ мистика мылкыдо луоз

  • 1769
  • 0
Быгы / Удмуртия
Шаркан ёросын финн-угор сиён юонъя «Быг-Быг» фестиваль туэ мистика мылкыдо луоз
Туспуктэм: Николай Кузнецов

4-тӥ пӧсьтолэзе Шаркан ёросысь Быгы гуртын финн-угор сиён юонъя VII «Быг-Быг» калыккуспо фестиваль ортчоз. Туэ со мистика мылкыдо луоз. Со сярысь ивортодэтъя «Удмуртия» агентстволы Удмурт лулчеберетъя «Быгы» центрлэн кивалтӥсез Жанна Ермолаева вераз.

Сизьыметӥез фестиваль луоз, со кыӵе ке мистической число кадь лыдъяське асьмелэн, удмуртъёслэн. Вот со котырынгес бергаломы. Собере 2020-тӥ ар бере, со 20 число бордын бергалом. <…> Вот сыӵе тунсыко фишкаос малпаломы
Жанна Ермолаева, Удмурт лулчеберетъя «Быгы» центрлэн кивалтӥсез

Солэн верамезъя, фестивале лыктыны делегациез Эстониын дасяло ини. Озьы ик Башкириысь поръёс вуозы. Тодэ вайытом, 2020-тӥ арын Башкортостанысь Мишкино пор гурт Финн-угор дуннелэн лулчеберетъя шоркарез луиз. Со сяна, Венгриысь, Финляндиысь, Москваысь эшъёссэс возьмало.

Кылем арын «Быг-Быг» фестивале 4 сюрс 500 пала адями пыриськиз. 2020-тӥ арын ужрадэз, оло, уз ортчытэ шуыса малпало вал, угось туэ гужем Быгыозь сюресэз тупатъяны кулэ. Но, Жанна Ермолаевалэн верамезъя, ӟеч сямез уретэмзы ӧз поты, со сяна, сюресчиос фестиваль кутскытозь асфальт вӧлдыны вуттозы ни, дыр. Ӧз ке но, Быгые мукет сюресъёс но вань, пусйиз «Быгы» центрлэн кивалтӥсез.

Луоз лыкны Черновское, Банное пыр, Воткинск пыр, Вишур ласянь. Луоз луонлык лыктыны
Жанна Ермолаева, Удмурт лулчеберетъя «Быгы» центрлэн кивалтӥсез

Тодэ вайытом, туэ 29-30 куартолэзе Ижкарын кыкетӥзэ туала калык культурая «Тангыра» фестиваль ортчоз



Наверх
Вниз