Ижкар+26 °C
12 -тӥ пӧсьтолэзь 2020 Воскресенье
16+

Пётр Кривоноговлэн ужъёсыныз адӟытон усьтӥськоз Суредан устолыкъя элькун музейын Ижкарын

  • 557
  • 0
Ижкар / Удмуртия
Пётр Кривоноговлэн ужъёсыныз адӟытон усьтӥськоз Суредан устолыкъя элькун музейын Ижкарын
Туспуктэм: Алексей Арзамасцев

12-тӥ южтолэзе Ижкарысь Суредан устолыкъя элькун музейын Пётр Кривоноговлэн ужъёсыныз «Под знаменем Победы» адӟытон усьтӥськоз. Отын суредасьлэн Киясаысь музеяз но элькун музейлэн бичетысьтыз 50-лэсь трос ужъёсыныз тодматскыны луоз. Со сярысь ужъюртлэн пресс-службаез ивортэ.

Живопись но графика амалэн быдэстэм ужъёсыз сяна, адӟытонэ архивысь материалъёс но туспуктэмъёс поттэмын

Тросэз поттэм ужъёсыз Быдӟым Атыкай ож аръёсы быдэстэмын. Тужгес тунсыко луозы фронтын дыръяз лэсьтэм зарисовкаос. Тыложез кутсконысеныз пумозяз ортчем суредась ожез туж зэмлыко возьматэ.

Буре ваён но данъян ар улсын радъям адӟытон 24-тӥ куартолэзёзь ужалоз. 

Совето Союзысь суредась-баталист Пётр Кривоногов Кияса черкогуртын 1910-тӥ арын 21-тӥ куарусёнэ вордскиз. Фронтын ожмаськиз, Берлинозь вуиз. Солэн ужъёсыз Быдӟым Атыкай ожысь учыръёсты возьмато. Тужгес тодмо суредэз – «Победа» - Россиысь ожгар кужымъёслэн музеязы утиське. 1949-тӥ арын со ужез понна суредасез Сталин нимо премиен пусйизы

Тодэ вайытом, Удмуртиын Быдӟым Атыкай ожын Вормонлы 75 ар тырмонлы сӥзем нылпи суредъёсъя «Мон Вормонэз суредасько» («Я рисую Победу») вожвылъяськон мынэ.



Наверх
Вниз