100 лет государственности Удмуртии
Ижкар+4 °C
1 -тӥ оштолэзь 2020 Вирнунал
16+

«П. И. Чайковскийлэн шаераз» фестивалез ортчытон радлыке воштонъёс пыртӥзы Удмуртиын

  • 355
  • 0
Ижкар / Удмуртия
«П. И. Чайковскийлэн шаераз» фестивалез ортчытон радлыке воштонъёс пыртӥзы Удмуртиын
Туспуктэм: Григорий Фомин

Коронавирус инфекци вӧлмонэз алон вылысь но Удмуртиысь тӧролэн трос калыко ужрадъёсты ортчытонлэсь возиськыны косэмезъя элькунысь кун филармони «П. И. Чайковскийлэн шаераз» искусствоосъя фестивальлэн радлыказ воштонъёс пыртӥз. Со сярысь  ужъюртлэн пресс-службаез ивортэ.

Удмуртиын 500-лэсь трос адямиез люкась ужрадъёсты ортчытъяны лэзьымтэ. Ижкарын 100-эсь трос адямиез люканы уг яра

500-лэсь ӧжыт пыриськисьёсын Удмуртиысь коллективъёслэн, палэнысь артистъёсты ӧтьытэк,  концертъёссы чакламъя радъяськозы. Учкисьёсты эм маскаосын лыктыны куро.

Концертъёс уз луэ:

26-тӥ южтолэзе – Владимир Спиваков но Россиысь йӧскалык филармони оркестр, Воткаысь «Юбилейный» культура дворецын;

27-тӥ южтолэзе - Владимир Спиваков но Россиысь йӧскалык филармони оркестр, Ижкарысь «Аксион» культура дворецын;

3-тӥ оштолэзе – Чайковскийлэн пиковой дамаосыз (Нидерланды), Воткаысь П. И. Чайковскийлэн музей-юртаз;

3-тӥ оштолэзе – Лука Стриканьоли (Италия), Ижкарысь филармонилэн концерт залаз;

4-тӥ оштолэзе - Чайковскийлэн пиковой дамаосыз (Нидерланды), Сарапулысь Башенинлэн дачаяз;

5-тӥ оштолэзе – Рязаньысь Евгений Попов нимо кун академ ӟуч калык хор, Глазкарысь «Россия» лулчеберетъя центрын;

6-тӥ оштолэзе - Рязаньысь Евгений Попов нимо кун академ ӟуч калык хор, Воткаысь «Юбилейный» культура дворецын;

7-тӥ оштолэзе - Рязаньысь Евгений Попов нимо кун академ ӟуч калык хор, Сарапулысь «ЗИО» культура дворецын;

8-тӥ оштолэзе - Рязаньысь Евгений Попов нимо кун академ ӟуч калык хор, Ижкарысь филармонилэн концерт залаз;

14-тӥ оштолэзе – Ростовысь академ симфони оркестр, Воткаысь «Юбилейный» культура дворецын;

15-тӥ оштолэзе - Ростовысь академ симфони оркестр, Ижкарысь «Аксион» культура дворецын;

21-тӥ оштолэзе – Давид Ойстрах нимо квартет (Москва), Воткаысь «Юбилейный» культура дворецын;

25-тӥ оштолэзе - THERR MAITZ, Ижкарысь «Аксион» культура дворецын.

Филармонилэн кассаосысьтыз басьтэм билетъёсты отчы берыктыны луоз. Филармонилэн сайтэз пыр басьтэмъёсыз понна коньдон асэрказ берыктӥськоз. Партнёръёслэн сайтъёссы пыр басьтэм билетъёслы – соослэн касса программазы пыр.

Со сяна, куд-ог концертъёсты инвожолы выжтӥзы (нуналъёсты матысь дыр вералозы). Соос пӧлын:

24-тӥ южтолэзьысь Денис Мацуевлэн концертэз, Ижкарысь Драмая ӟуч театрын;

20-тӥ оштолэзьысь Давид Ойстрах нимо квартетлэн концертэз (Москва), Ижкарысь филармонилэн концерт залаз;

23-тӥ оштолэзьысь Михаил Пореченковлэн, Юрий Башметлэн но «Солисты Москвы» ансамбльлэн «Облако в штанах» возьматонзы, Ижкарысь филармонилэн концерт залаз;

30-тӥ оштолэзьысь Удмуртиысь симфони оркестрлэн концертэз (ӧтем дирижёр – Антон Шабуров), Ижкарысь «Аксион» культура дворецын.

Инвожолы выжтэм вань концертъёс Ижкарысь филармонилэн концерт залаз радъяськозы

Воштӥськонъёстэк кылӥзы куартолэзе ортчоно концертъёс:

6-тӥ куартолэзе – П. И. Чайковский нимо бадӟым симфони оркестрлэн концертэз. «П. И. Чайковскийлэн шаераз» фестиваль. Ижкарысь «Аксион» культура дворецын;

7-тӥ куартолэзе - П. И. Чайковский нимо бадӟым симфони оркестрлэн концертэз. «П. И. Чайковскийлэн шаераз» фестиваль. Воткаысь «Юбилейный» культура дворецын.

Тодэ вайытом, коронавирус вӧлмонэз алон вылысь Удмуртиысь йӧскалык театр «Шуылоз вал песятае…» спектаклезлэсь премьеразэ пӧсьтолэзьлы выжтӥз. Нош элькунысь школаос каникулъёс бере дистанционной амалэн дышетонэ потозы



Наверх
Вниз