100 лет государственности Удмуртии
Ижкар+4 °C
1 -тӥ оштолэзь 2020 Вирнунал
16+

Гербер шулдыръяськонлы нимысьтыз вотэсбам но удмурт кылын GPS-навигатор кылдытозы Удмуртиын

  • 254
  • 0
Ижкар / Удмуртия
Гербер шулдыръяськонлы нимысьтыз вотэсбам но удмурт кылын GPS-навигатор кылдытозы Удмуртиын

2020-тӥ арын Вавож ёросын ортчоно улосвылкуспо Гербер шулдыръяськонлы нимысьтыз вотэсбам но удмурт кылын GPS-навигатор дасялозы. Со сярысь ужрадэз радъянъя комитетлэн пумиськоназ тодмо луиз, ивортэ Удмуртиысь Калыкъёслэн эшъяськон юртсылэн пресс-службаез.

Удмурт азьветлӥсьёс смартфонъёсын ужась GPS-навигаторлы удмурт кылын куара гожтон бордын тыршо. Ватсэтын (приложениын) пӧртэм кылъёсын куараос вӧзы удмурт кылын вераськись нылкышно но воргорон куараос ватсаськозы. 

Ми али пӧртэм вариантъёс сярысь малпаськиськом, руль бергатӥсьёслы тунсыко но серем кылзыны мед луоз шуыса. Тодмо блогерен Максим Ивановен вераським, со аслаз тодмо амалэныз (удмурт акцентлы пародиос – ред.) кӧня ке веранъёсты гожтыны дась. Вань малпанмы пӧртэм интыосысь удмурт кыллэсь – диалектъёслэсь – аспӧртэмлыксэс возьматыны
удмурт азьветлӥсьёс

Ватсэт Гербер ортчон азьын потоз, соя котькуд мылкыд карись шулдыръяськонэ удмурт кылын навигаторъя вуыны быгатоз.

Озьы ик ужрадэз радъясьёс Герберлэсь нимлыко вотэсбамзэ кылдытон бордын ужало. Со шулдыръяськон но солэн валтӥсь геройёсыз сярысь вералоз. Кылсярысь, лыдӟисьёс удмурт воршудъёслэсь историзэс тодыны быгатозы.

Со сяна, радъясьёс шулдыръяськонлэсь интывылзэ радъян сярысь кенешизы. Озьы ик пуктӥсь группа но ужзэ мытӥз – соос валтӥсь сцена вылын возьматонлэн сценариез пумысен вераськизы. 

Пусъём, туэ 20-тӥ инвожое Вавож ёросын ортчоно шулдыръяськонын инкуазез утёнлы, вашкалазэ но туалазэ герӟанлы, азинлыко ӵектосъёсын тодматонлы саклык висъялозы.

Тодэ вайытом, кемалась ӧвӧл, Гербер шулдыръяськонлы тодметпус кылдытонъя вожвылъяськонлы йылпумъянъёс лэсьтӥзы



Наверх
Вниз