100 лет государственности Удмуртии
Ижкар+4 °C
1 -тӥ оштолэзь 2020 Вирнунал
16+

Удмуртиысь филармония нырысьсэ онлайн-фестиваль ортчытоз

  • 242
  • 0
Ижкар / Удмуртия
Удмуртиысь филармония нырысьсэ онлайн-фестиваль ортчытоз
Туспуктэм: Алексей Арзамасцев

Удмуртиысь кун филармония нырысьсэ историяз онлайн-фестиваль ортчытоз, сое «С филармонией на ТЫ» нимазы. Со сярысь ужъюртлэн пресс-службаез ивортэ.

Табере тӥ концертъёсмес компьютерысь яке смартфонысь учкыны быгатоды. <…> Усьтэ меӵак возьматонэз но концерт заллэсь омырзэ дорысь потатэк, чылкак дунтэк, шӧдэ!
Удмуртиысь кун филармония

Концертъёслэн радлыксы:

- 25-тӥ южтолэзе 19 часысен духовой инструментъёсын «Арсенал-Бэнд» оркестр;

- 26-тӥ южтолэзе 19 часысен калык инструментъёсын «Золотая мелодия» оркестр;

- 27-тӥ южтолэзе 19 часысен Удмуртиысь академ хор капелла;

- 28-тӥ южтолэзе 18 часысен кырӟанъя но эктонъя А. В. Мамонтов нимо «Италмас» ансамбль;

- 29-тӥ южтолэзе 13 часысен «Золотая мелодия» оркестр «Мэри Поппинс» возьматонэн;

- 30-тӥ южтолэзе 19 часысен калык кырӟанъя, крезьгуръя но эктонъя «Танок» ансамбль;

- 31-тӥ южтолэзе 19 часысен Удмуртиысь кун симфони оркестр;

- 1-тӥ оштолэзе 19 часысен духовой инструментъёсын «Арсенал-Бэнд» оркестр;

- 2-тӥ оштолэзе 19 часысен Удмуртиысь кун симфони оркестр;

- 3-тӥ оштолэзе 19 часысен Удмуртиысь кун симфони оркестр.

Онлайн-фестиваль дыръя филармонилэн «ВКонтакте» мерлыко вотэсысь огиназ меӵак эфирын юанъёс но сётыны луоз, крезьгурасьёс номеръёс вискын соослы валэктонъёс сётозы. Тужгес тунсыко юан сётӥсьёслы кузьымъёс чакламын.

ВАТСАН

Онлайн-фестиваль «Филармонии едины» огъяросси акци улсын ортчоз, со Удмуртиысь но Краснодарысь филармониослэн огъяросси ӵектоссы. Быдэс кунысь филармониос Россилэн пӧртэм сэрегъёсысьтыз концертъёсысь меӵак возьматонъёсын онлайн-марафон кутско. Со Россилэсь куаразэ, лулчеберет пӧртэмлыксэ, йылолъёссэ, лулпушлыко дунлыкъёссэ онлайн амалэн адӟыны, кылыны, тодыны туж умой луонлык. Ужрад коронавирус сэрен кутэм сюбегатонъёсты дугдытон дырозь кыстӥськоз. Вань возьматонъёсты #филармонии_едины хештегъя шедьтыны луоз

Тодэ вайытом, азьвылгес Удмуртиысь кун филармони «П. И. Чайковскийлэн шаераз» искусствоосъя фестивальлэн радлыказ воштонъёс пыртӥз.



Наверх
Вниз