Ижкар+27 °C
12 -тӥ пӧсьтолэзь 2020 Воскресенье
16+

Удмуртиын лулчеберет удысысь 6 сюрс 600-лэсь трос ужасьёс ӧнер нуналзэс пусъё

  • 311
  • 0
Ижкар / Удмуртия
Удмуртиын лулчеберет удысысь 6 сюрс 600-лэсь трос ужасьёс ӧнер нуналзэс пусъё
Туспуктэм: Николай Кузнецов

Удмуртиын лулчеберет удысын 6 сюрс 600-лэсь трос адями ужа. 25-тӥ южтолэзе соос ӧнер нуналзэс пусъё. Праздник азьын Удмуртстат удысэн герӟаськем валтӥсь лыдпусъёсты шараяз. 

Туннэ нуналлы элькунамы 7 театръёс, 6 концерт огазеяськонъёс, 592 клубъёс, 40 музейёс, 533 лыдӟетъюртъёс, кытын 5 миллион 300 сюрслэсь трос книгаос возисько. Библиотекаосы арлы быдэ 500 сюрслэсь трос лыдӟисьёс ветло.

Лулчеберетъя кун но муниципал ужъюртъёс калыклы усьтэмын. Театръёсы, концертъёсы, музейёсы, клубъёсы котькуд куинетӥез элькунамы улӥсь ветлэ

Музейёсы пыронлэн шоро-куспо дуныз 166 манет луэ, кинотеатръёсы – 196 манет, театръёсы – 458 манет.

Лулчеберет удысын ужасьёслэн шоро-куспо уждунзы 2019-тӥ арын 30 сюрс манетлэсь трос луиз. Но со элькунъя шоро-куспо уждунлэсь 13 процентлы ӧжытгес.

Тодэ вайытом, туэ лулчеберет удысэз азинтон понна Удмуртия федерал коньдэтысь 700 миллионлэсь трос коньдон басьтоз.



Наверх
Вниз