100 лет государственности Удмуртии
Ижкар+22 °C
6 -тӥ инвожо 2020 Кӧснунал
16+

Удмуртиысь 100 тужгес тунсыко интыосты бырйыны ӵекто шаерамы улӥсьёслы

  • 1144
  • 0
Ижкар / Удмуртия
Удмуртиысь 100 тужгес тунсыко интыосты бырйыны ӵекто шаерамы улӥсьёслы
Туспуктэм: Алексей Арзамасцев

Удмуртилэн кунлыкезлы 100 ар тырмон аре элькунамы улӥсьёслы шаерысьтымы 100 тужгес тунсыко интыосты бырйыны ӵекто. Улосвылын туризмъя  «ДаУР!» ӵектослы кутскон сётӥзы. Со сярысь элькун тӧролэн но кивалтэтлэн пресс-службазы ивортэ.

Мылкыд карисьёс, тунсыко интыосты быръем сяна, шаерысьтымы учкымон интыосъя интерактивной картаез кылдытонэ пыриськыны быгатозы.

Ӵектосэ вань мылкыд карисьёс пыриськыны быгато. Соос Удмуртиысь сыӵе интыез ӵектыны кулэ, кытчы, соослэн малпамзыя, одно ик ветлоно. Со понна 10-тӥ куартолэзёзь синмаськымон интылэн нимыныз, архивысь туспуктэменыз но со сярысь мадёнэн куриськон келяно.

Ужъёсты таӵе номинациосъя кутозы:

  • «Пейзаж» - инкуазьысь паймымон интыослэн туспуктэмъёссы;
  • «Туспуктэмъёсын устоез серия» - учкымон инты сярысь туспуктэмъёсын серия пыр мадён. Вань фотоос авторлэсь малпанзэ усьтыны но огкадь амалэн лэсьтэмын луыны кулэ;
  • «Устоез история» - учкымон интыен герӟаськем ас улонысь история;
  • «Инты сярысь тунсыко мадён» - интыез кылъёсын вераса вераны быгатэмез дунъялозы;  
  • «Аспӧртэм инты» - учкымон интыен луыны быгатӥсь аспӧртэм интыез ӵектон. Со Удмуртия понна инкуазь/ лулчеберет/ история/ оскон/ йӧслык ласянь дунлыко луыны кулэ.

Ужъёсты 6-тӥ оштолэзьысен 10-тӥ куартолэзёзь люкалозы. Куриськонэз даур.рф сайтын сётыны луэ. Со сяна, ӵектосэ пыриськем сярысь «ВКонтакте» но «Инстаграм» мерлыко вотэсъёсысь постъёсын вераны яра. Учкымон интылэн туспуктэменыз но со сярысь веранэн ӵош ӵектослэсь #даур100 #ОткрываемУдмуртиюВместе хештэгъёссэ пусъёно.

11-17 куартолэзе ӵектослэн сайтаз куара сётон мыноз. Отын вань ӵектэм интыосын интерактивной карта луоз. 

20-тӥ куартолэзьысен 11-тӥ инвожоозь номинациосъя вормисьёсты шараян мыноз. 

Вормисьёсты 2020-тӥ арын 12-тӥ инвожое пусъёзы. Соос но финалэ потэмъёс грамотаос но нимысьтыз кузьымъёс  басьтозы.



Наверх
Вниз