Ижкар+22 °C
8 -тӥ гудырикошкон 2020 Кӧснунал
16+

Этномодельеръёслы вожвылъяськон ялӥзы Удмуртиын

  • 621
  • 0
Ижкар / Удмуртия
Этномодельеръёслы вожвылъяськон ялӥзы Удмуртиын
Туспуктэм: Григорий Фомин

Удмуртиысь Калыкъёслэн эшъяськон юртсы йӧскалык лулчеберетэн тунсыкъяськись пинал но ӧнерлыко модельеръёс понна «Гербер Фешн» вожвылъяськон ялӥз. Со сярысь ужрадэз радъясьёс иворто.

Вожвылъяськон заочной амалэн ортчоз

Ужрадэ дышетскисьёсты, студентъёсты, ӧнер дышетсконниосты быдтэмъёсты но ӧнерлыко дизайнеръёсты пыриськыны ӧтё.

Ӧнерлыко жюри ужъёсты таӵе номинациосъя эскероз:

  • йӧскалык дӥсь;
  • туала, нуналлы быдэ нуллон дӥсь;
  • сценалы чаклам дӥсь.

Пусъём, вожвылъяськон калыкъёслэн сямъёсынызы тунсыкъяськонэз юнматон, Удмуртиез йӧскалык улосвылэн возьматон, туала но тузӥ йӧскалык модаез кылдытон, быгатонлыко егит модельеръёсты шараян но соослэсь ужъёссэс возьматон понна радъяське.

Вожвылъяськонэ пыриськон понна 30-тӥ куартолэзёзь polinakubista@ddn18.ru электрон почтае куриськон, ужъёслэсь туспуктэмъёссэс яке видео, лэзёно.  Ужъёслы куронъёсын чӧлсконпусъя тодматскыны луэ.

Устооссэ ужъёсты кылдытӥсьёсты туэ 20-тӥ инвожое «Гербер - 2020» улосвылкуспо йӧскалык шулдыръяськон улсын ортчоно возьматонэ ӧтёзы. Отын ик вормисьёсты пусъёзы.

Коронавирус инфекци вӧлмонэн югдур ӧз ке тупатскы, вожвылъяськонэ ыстэм туспуктэмъёсын но видеоужъёсын онлайн-возьматон радъялозы

Тодэ вайытом, Калыкъёслэн эшъяськон юртсы «У нас все дома» онлайн-марафон мытӥз



Наверх
Вниз