Ижкар+24 °C
15 -тӥ пӧсьтолэзь 2020 Вирнунал
16+

Вормон Нуналлы 75 ар тырмонлы сӥзем аспӧртэм вожвылъяськон ялӥзы Кияса ёросын

  • 358
  • 0
Кияса / Удмуртия
Вормон Нуналлы 75 ар тырмонлы сӥзем аспӧртэм вожвылъяськон ялӥзы Кияса ёросын
Туспуктэм: Ирина Кожевникова

Кияса ёросысь Кибашлыослэн юртсы Быдӟым Атыкай ожын Вормонлы 75 ар тырмонлы сӥзьыса, туспуктэмъёсъя «Песянайлэн пӧзьёсыз но пыдвылъёсыз» («Варежки и носки моей бабушки») вожвылъяськон ялӥз. Со сярысь ужъюртлэн «ВКонтакте» мерлыко вотэсысь огиназ ивортэмын.

Ож вакытэ уйёсы нылкышноос фронтэ келяны шуныт пыдвылъёс но пӧзьёс керттӥзы. Куд-ог кибашлыос ужъёссэс яркыт буёло сӥньысъёсын чеберъязы. Керттэм пыдвылъёс но пӧзьёс али но кулэлыксэс ӧз ыштэ. Пужыен керттэмъёсыз, кезьытлэсь утем сяна, ибырвесь но луо
вожвылъяськонэз радъясьёс

Вожвылъяськонэ пыриськон понна ужъёс вуо ини. Куд-ог ыстэм туспуктэмъёсы 20 аръёслэсь трос утьыса возем пӧзьыос но пыдвылъёс уськытэмын.

Конкурсэ пыриськон понна пужыё пыдвылъёслэсь но пӧзьёслэсь туспуктэмъёссэс 1-тӥ куартолэзёзь радъясьёслэн «ВКонтакте» мерлыко вотэсысь бамазы келяно, соос ас киын, анаен яке песянаен (ӵужанаен) керттэмын луыны быгато. Вӧзаз одно ик быдэстӥсьлэсь ним-тулзэ пусъёно, пужылэсь, керттэм арбериослэсь историзэс вераны но умой луоз.

Вормисез куара сётонъя шараялозы. 

«Песяйлэн пӧзьёсыз но пыдвылъёсыз» вожвылъяськонэ вуэм ужъёс

7 фото

Тодэ вайытом, Удмуртиын этномодельеръёс понна вожвылъяськон ялӥзы



Наверх
Вниз