Ижкар+35 °C
15 -тӥ пӧсьтолэзь 2020 Вирнунал
16+

«День Победы» кырӟан удмурт кылын: Удмуртия «Наш День Победы» ужрад борды итӥськиз

  • 480
  • 0
Ижкар / Удмуртия
«День Победы» кырӟан удмурт кылын: Удмуртия «Наш День Победы» ужрад борды итӥськиз

Удмуртия «Наш День Победы» акци борды итӥськиз. Ужрад улсын Приволжск федерал округысь 14 улосвылъёс «День Победы» кырӟанэз быдэсто. Со сярысь улосвыл тӧролэн но кивалтэтлэн пресс-службазы ивортэ.

Вормонлы 75 ар тырмонлы сӥзем ужрадэ элькунысь кун филармониысь академ хор капелла пыриськиз. «День Победы» кырӟанлэсь люкетсэ артистъёс удмурт кылын быдэстӥзы. Пусъём, съёмкаос астэ ачид нимаз висъян режимлэсь азьвыл ортчизы.

Удмуртия «Наш День Победы» ужрад борды итӥськиз

«Наш День Победы» акция Россиысь калыкъёслэсь ыштонъёсын но куректонэн пачылам аръёсы огазеяськонзэс но возьматэ. Соин ик съёмкаослы интыос но пусйымон. Татын Быдӟым Атыкай ожын Вормонэ асьме улосвылмылэн ватсэтэзлэн тодметъёсыз: Ялан ӝуась тыл, Ижысь техникая кун университет вӧзысь Калашников нимо сквер но ож мышкын ужамъёслы синпелет
Владимир Соловьёв, Удмуртиысь лулчеберетъя министр
 

Быдӟым Атыкай ож аръёсы Удмуртие Москваысь, Киевысь, Тулаысь, Харьковысь но мукет каръёсысь 50-лэсь трос промышленной предприятиосты выжтӥзы. Ижысь машинаос лэсьтонъя завод 11 миллионлэсь трос ыбылӥськон тӥрлык поттӥз – пыӵалъёс но карабинъёс. Со быдэс Германиен сыӵе ик классэн поттэм ожтӥрлыклэсь трос. Воткаысь завод артиллерилы 53 сюрс орудиос сётӥз. Удмурт шаерын улӥсьёслэн ужын бадӟым подвигзы – Ижкар – Балезино чугун сюресэз лэсьтон

Кырӟанъя «Наш День Победы»  марафонэз Росси азьмуртлэн Приволжск федерал округъя ужоскето муртэзлэн аппаратэз кичӧлтӥз. Ужрадэ Мордовия но Марий Эл пыриськизы ни. 

Ужрадэ пыриськись улосвылъёслэсь видеороликъёссэс «ВКонтакте», «Фейсбук», «Одноклассники» мерлыко вотэсъёсысь #песнипобедыПФО #нашденьпобеды хештэгъёсъя учкыны луэ.. Озьы ик соосты улосвылъёсысь телеканлъёсын возьматозы но радио пыр лэзьылозы.

Нялтас вераса, акцилы быръем Давид Тухмановлэн но Владимир Харитоновлэн «День Победы» кырӟанзылы туэ 45 ар тырме

Ватсалом, Удмуртиын Вормон Нуналлы 75 ар тырмонлы сӥзем сайт ужа. Отын иворъёсын, ужардъёсын, ветеранъёслэн тодэ ваёнъёсынызы тодматскыны луэ. 



Наверх
Вниз