Ижкар+10 °C
26 -тӥ куарусён 2020 Кӧснунал
18+

Удмурт кылын кык спектакльёсты пусйизы «Театральные горошины» элькун вожвылъяськонын

  • 297
  • 0
Ижкар / Удмуртия
Удмурт кылын кык спектакльёсты пусйизы «Театральные горошины» элькун вожвылъяськонын
Туспуктэм: Удмуртиысь дышетонъя но тодосъя министерстволэн пресс-службаез

Удмуртиын нылпи театр коллективъёслэн «Театральные горошины» VII усьтэм элькун вожвылъяськонзылы йылпумъянъёсты шараязы. Дунъясьёс удмурт кылын кык спектаклез пусйизы. Со сярысь элькунысь дышетонъя но тодосъя министерстволэн пресс-службаез ивортэ.

Школаос но ватсаса тодон-валан сётонъя огазеяськонъёс пӧлын Шаркан ёросысь нылпи творчествоя юртысь театръя но фольклоръя «Арлекино» коллектив «Вумурт но удмурт» спектакленыз кыкетӥ инты басьтӥз. Кезысь 3 номеро нылпи садысь театр группа «Ӟичы но коӵыш» спектакль пуктӥз, солы анай кылэз яратон мылкыд пыӵатон понна дунъясьёслэсь нимысьтыз дипломзэс сётӥзы.

Вожвылъяськон оштолэзьысен куартолэзёзь мынӥз но яратоно книгаослы сӥземын вал

2020-тӥ арын нырысьсэ конкурс онлайн амалэн радъяськиз но усьтэм инлыкез ортчиз. Вожвылъяськонын Дэри, Эгра, Кез, Кизнер, Кияса, Шаркан, Якшур-Бӧдья, Яр ёросъёсысь, Ижкарысь но Татарстанысь Альметьевск ёросысь 15 дышетсконниос 21 спектакль возьматӥзы. Ужрадэ оглом 225 пиналъёс пыриськизы.

Дунъясьёс пӧлын но палэнысь – Калининград улосвылысь но Екатеринбургысь – ӧнерчиос пыриськизы

Нылпи коллективъёс выжыкылъёсъя но пьесаосъя ӟуч но удмурт кылъёсын мунё но крезьгуро спектакльёс возьматӥзы. Дунъясьёслэн верамзыя, котькуд ужын мар ке но аспӧртэмлыкоез вал. Вормисьёслэсь быдэс лыдметсэс чӧлсконпусъя учкыны луоз.   

Тодэ вайытом, Удмурт кадет корпусысь 10-тӥ классын дышетскись Артём Поскрёбышев эссе ӧрын творчество ужъёсъя «Geschichte in Biografien» - «История в биографиях» калыккуспо вожвылъяськонын вормиз.



Наверх
Вниз