Ижкар+15 °C
18 -тӥ куарусён 2020 Удмуртарня
18+

Пичи Пургаысь ёрос лыдӟетъюртлэн ӵектосэз «Культурная мозаика малых городов и сёл» вожвылъяськонын вормисьёс пӧлы пыриз

  • 312
  • 0
Пичи Пурга / Удмуртия
Пичи Пургаысь ёрос лыдӟетъюртлэн ӵектосэз «Культурная мозаика малых городов и сёл» вожвылъяськонын вормисьёс пӧлы пыриз
Туспуктэм: Никита Иванов

Пичи Пургаысь ёрос лыдӟетъюртлэн «ВыжыКыл: Сказка – Слово Рода – Язык корней» ӵектосэз «Культурная мозаика малых городов и сёл» элькун вожвылъяськонын вормисьёс пӧлы сюриз. Со сярысь Пичи Пурга ёрос администрациысь лулчеберетъя но туризмъя управлениен кивалтӥсь Надежда Степанова «ВКонтакте» мерлыко вотэсысь бамаз ивортӥз.

Ӵектослы луыса Пичи Пургаын ог-оген кусып возёнъя но дышетонъя арт-интывыл – «ВыжыКыл» удмурт  кылъя студия – кылдытыны чаклало.

Ӵектос улсын нылпи лыдӟетъюрт бордын пиналъёс понна кылэз дышетонъя, удмурт калыклэн йылолъёсыныз тодматонъя, туала технологиосты кутыса, творческой занятиос, анай-атайёслы этнолекторийёс, школаосы но нылпи садъёсы этнодесантъёс радъялозы
Надежда Степанова, Пичи Пурга ёрос администрациысь лулчеберетъя но туризмъя управленилэн кивалтӥсез

Озьы ик лулчеберетъя мукет ужъюртъёсын, дышетонъя огазеяськонъёсын валче кариськыса, удмурт сямъёсты туала улонэ пыӵатонъя мастер-классъёс, семинаръёс, онлайн-возьматонъёс радъялозы.

Вань мылкыд карисьёс ӵектослэн усьтэм вожвылъяськонъёсаз пыриськыны быгатозы: семья синпелетъёсъя «ВыжыКыл», семья квилтъёсъя «Про100Пужы», видеороликъёсъя «Нарисуй сказку»

Со сяна, ӵектослы луыса студиын занятиослы нимысьтыз инты дасялозы. Отчы чаклам лингво-арт объектъёслэн тусбурзы (дизайн) пумысен ёросысь Вуж Мӧнья гуртысь Кибашлыослэн юртысьтызы ӧнерчиосын кенешонъёс мыно ини.

Тодэ вайытом, «Культурная мозаика малых городов и сёл» вожвылъяськонлэн элькун люкетаз 33 ӵектосъёс вормизы.



Наверх
Вниз