100 лет государственности Удмуртии
Ижкар+15 °C
28 -тӥ куартолэзь 2020 Покчиарня
16+

Гималай гондырпиослы ним сётӥзы Удмуртиысь зоопаркын

  • 185
  • 0
Ижкар / Удмуртия
Гималай гондырпиослы ним сётӥзы Удмуртиысь зоопаркын
Туспуктэм: udm-zoo.ru

Удмуртиысь зоопаркын куать толэзьем гондырпиослы ним сётӥзы. Со сярысь ужъюртлэн пресс-службаез ивортэ.

Зоопаркысь ветеринаръёс гондырпиослэсь выжызэс тодыны быгатӥзы. Соос айы но мумы вылӥллям. Курень гондыръёсты утялтӥсь зоотехникъёслэн малпамзыя, соослы туж тупамон нимъёс бырйизы – Тима но Тома
Удмуртиысь зоопарклэн пресс-службаез

Гондырпиос котькуд нунал 16 часысен 19 часозь кырын поръяло но трос учкисьёсты люкало. Соос писпуос вылэ кечырско, анаенызы лякыттэмъясько но ог-огзы сьӧры бызьылыса шудо. Пӧйшуръёс котькыӵе куазь дыръя кыре пото. Зоопаркын ужасьёслэн верамзыя, зоро куазез тужгес но ярато.

Тодэ вайытом, Удмуртиысь зоопаркын гималай гондырпиос кылем ар пумын вордскизы, но анайзы пиоссэ оштолэзь шорын гинэ возьматӥз



Наверх
Вниз