Ижкар+10 °C
26 -тӥ куарусён 2020 Кӧснунал
18+

Кионпиос вордӥськизы Удмуртиысь зоопаркын

  • 410
  • 0
Ижкар / Удмуртия
Кионпиос вордӥськизы Удмуртиысь зоопаркын
Туспуктэм: udm-zoo.ru

Удмуртиысь зоопаркын арктической кионъёслэн пиоссы потӥзы. Со сярысь ужъюртлэн «ВКонтакте» мерлыко вотэсысь огиназ ивортэмын.

Туннэ ми вить кучапиосты лыдъям - пичи арктической кионпиосты. Огезлэн соос пӧлысь номырысь но ураме потэмез уг поты вал. Мукетыз нош котькызьы но ураме потыны тыршиз. Нырысь ик анайзы соослы пумитъяськиз но поръяны потонлэсь алӥз. Но тужгес дӥсьтӥсез дыр вуиз шуыса малпаз но, анайзэ пыдыныз палэнтыса, омыре потӥз. Со бӧрсьы мукет кучапиос но кыстӥськизы
Удмуртиысь зоопарклэн пресс-службаез

Зоопаркын ужасьёс пусъё, та, оло, вань кионпиос ӧвӧл на. Луыло учыръёс, куке нырысь-валысь син азе тужгес дӥсьтӥсьёсыз но кужмоосыз гинэ потало, нош собере гинэ мукетъёсыз. Соин ик кӧня ке возьманы кулэ на.

Арктической кионъёслэн уллёязы шудон дырзы толшорысен оштолэзёзь вал. Чебер гожеръянъёссы сюанэн йылпумъяськизы. Ӝоген Руна нимо мумы кион, шӧдскымон «чеберскыса», аслыз кар дасяны кутскиз. 

Кионъёслэн секытэн луон вакытсы кык толэзь пала кыстӥське. Озьыен, оштолэзе пи поттэмзэс возьманы луэ вал ини
Удмуртиысь зоопарклэн пресс-службаез
 

Зэм но, кӧня ке дыр ортчыса, мумы кион син азьысь ышиз, нош кӧня ке арня бере калык азе жуммыса потаны кутскиз.

Зоопаркын ужасьёслэн верамзыя, кионъёс гинэ быдэс ар ӵоже вольерын уло. Висъетэ соосты нокызьы но пыртыны уг луы. Соин ик кионпиослэсь лыдзэс тодон понна соослэсь поръяны потэмзэс возьмано луиз.



Наверх
Вниз