Ижкар+19 °C
7 -тӥ пӧсьтолэзь 2020 Пуксён
16+

«Воршуд» калыккуспо фестивале куриськонъёсты кутыны кутскизы Удмуртиын

  • 89
  • 0
Ижкар / Удмуртия
«Воршуд» калыккуспо фестивале куриськонъёсты кутыны кутскизы Удмуртиын
Туспуктэм: vk.com (Народное творчество Удмуртии)

Удмуртиын финн-угор калыкъёслэн «Воршуд» калыккуспо фестивалязы пыриськыны мылкыд карисьёслэсь куриськонъёссэс кутыны кутскизы. Ужад 2020-тӥ арын 17-21 куарусёнэ ортчоз. Со сярысь элькунысь лулчеберетъя министерстволэн пресс-службаез ивортэ.

Таяз арын фестиваль вашкала инструментъёслы но кырӟанлы сӥземын но Удмуртилэн кунлыкезлы 100 ар тырмонлы тупатэмын

«Воршуд» фестивале Удмуртиысь но финн-угор калыкъёс тросэн улон мукет Росси улосвылъёсысь ас мылкыдъя люкам но ӧнерлыко коллективъёссы, нимаз быдэстӥсьёс, кудъёсыз калык йылолъёсты зэмос возьматыны, финн-угор калыкъёслэсь аспӧртэм сямъёссэс утьыны быгато.

Фестивале пыриськисьёслэн арлыдзы 16-40 арес луыны кулэ. Коллективъёсын нылпиос но луыны быгато, но вань пыриськисьёс пӧлысь 10 процентэзлэсь трос медаз луэ.

Коллективъёс куинь концерт программа дасяны кулэ: тодматскон (5 минутозь), фестивалез усьтонын возьматон (7 минутозь), Удмуртиысь муниципал кылдытэтъёсын пумиськонъёслы 30 минутъем возьматон. Фестивале пыриськисьёс улэп крезьгур улсын программазэс быдэстыны кулэ.

Фестиваль улсын творчествоя коллективъёслэн кивалтӥсьёссы понна финн-угор калыкъёслэсь вашкала лулчеберетсэс азинтон ужпумъёсъя котырес ӝӧк сьӧрын кенешон радъяськоз

«Воршудэ» пыриськыны малпасьёслы 24-тӥ пӧсьтолэзёзь электрон амалэн пусйиськыны кулэ. Фестивальлэн валатэтэныз (положениез) чӧлсконпусъя тодматскыны луоз.

Тодэ вайытом, гудырикошконэ Ижкарын туала калык лулчеберетъя «Тангыра» фестиваль ортчытыны чаклало



Наверх
Вниз