Ижкар+19 °C
7 -тӥ пӧсьтолэзь 2020 Пуксён
16+

66,5 миллион манет кутозы Удмуртиын «Культура» йӧскалык ӵектосэз улонэ пыӵатон понна 2020-тӥ арын

  • 84
  • 0
Ижкар / Удмуртия
66,5 миллион манет кутозы Удмуртиын «Культура» йӧскалык ӵектосэз улонэ пыӵатон понна 2020-тӥ арын
Туспуктэм: Руслан Нуриахметов

2020-тӥ арын Удмуртиын Владимир Путинэн кичӧлтэм «Культура» йӧскалык ӵектосэз быдэсъяны 66 миллион 500 сюрс манет уже кутозы. Со сярысь элькун тӧролэн но кивалтэтлэн пресс-службазы ивортэ.

2020-тӥ арын ми азьын куинь лулчеберет юрт пуктыны но ньыльзэ рос-прос тупатъяны ужпум сылэ. Со понна 66 миллион 500 сюрс манет висъямын, со пӧлысь федерал коньдэтысь – 53 миллион 800 сюрс манетэз
Александр Бречалов, Удмуртилэн тӧроез

2020-тӥ арын выль культура юртъёс Алнаш ёросысь Асан черкогуртын, Сьӧлта ёросысь Кӧпка черкогуртын но Яр ёросысь Биграгуртын (Дизмино) пукто.

Ува ёросысь Удугуртын (Ува-Тукля) лулчеберет юртэз рос-прос тупатъян ужъёс бере усьтӥзы ини. Гужем пумозь Дэри но Сарапул ёросъёсын лулчеберет юртъёсты вуттозы на. Нош ар пумозь – Кез ёросын.

Озьы ик 2020-тӥ арын йӧскалык ӵектос улсын Удмуртие тямыс автоклубъёс вуозы – интыысь интые ветлӥсь трос луонлыкъем машинаос, калыклэсь шутэтскон дырзэ радъян центръёс.

Лулчеберет юртъёстэм гуртъёсысь калыклэсь шутэтсконзэс радъян понна автоклубъёсты Балезино, Глаз, Дэри, Эгра, Можга, Сарапул, Ува ёросъёс басьтозы. Автоклубъёсты вуттӥсьёсты быръёнъя вань аукционъёс та дырлы ортчытэмын ини. Автоклубъёсты туэ пӧсьтолэзе - куарусёнэ возьмаськом
Александр Бречалов, Удмуртилэн тӧроез

Со сяна, «Цифровая культура» улосвыл ӵектос улсын туэ 7-тӥ куартолэзе, П. И. Чайковскийлэн вордӥськем дырысеныз 180 ар тырмон нуналэ, крезьгурчилэн вордӥськем интыяз, Воткаысь музей-юртаз виртуальной концерт зал усьтӥзы.

Йӧскалык ӵектослы висъям коньдонлы луыса музейысь концерт залэ туала аудио- но видеотехника басьтӥзы, со онлайн-конференциос ортчытыны но музей-юртысь сцена вылын мынӥсь концертъёсты но ужрадъёсты мерлыко вотэсъёсын возьматыны, Россиын но кунгож сьӧрын мынӥсь тужгес усто концертъёсты HD ӟечлыкен меӵак эфирын возьматыны луонлык сётэ. Пусъём, туэ Удмуртилэн кунлыкезлы 100 ар тырмон улсын музей-юртлэсь капкаоссэ но вылтуссэ выльдӥзы.

Озьы ик та вакытэ азьвыл «Ижмаш» лулчеберет юртэз Пинал учкисьлы театрлы тупатъян мынэ.

Пинал учкисьлы театрын трос гинэ тунсыко инноваци малпанъёс дасясько. Куарая, тылъя но техникая со элькунамы тужгес туалаез но аспӧртэмез лулчеберет юрт луоз
Александр Бречалов, Удмуртилэн тӧроез

Тодэ вайытом, та нуналъёсы Якшур-Бӧдья ёросысь выльдэм лулчеберет юртэз усьтӥзы



Наверх
Вниз