Ижкар+19 °C
7 -тӥ пӧсьтолэзь 2020 Пуксён
16+

Удмуртиысь калыкъёслэн лулчеберетсыя элькун адӟытон усьтӥськоз «Лудорвай» музейын

  • 76
  • 0
Лудорвай / Удмуртия
Удмуртиысь калыкъёслэн лулчеберетсыя элькун адӟытон усьтӥськоз «Лудорвай» музейын
Туспуктэм: Руслан Нуриахметов

19-тӥ инвожое Удмуртиысь «Лудорвай» музей-заподвеникысь Волостной правленилэн юртысьтыз адӟытон залын кибышлыослэн ужъёсынызы «Традиционная культура народов Удмуртии» элькун адӟытон усьтӥськоз. Со сярысь Калык творчествоя элькун юртлэн пресс-службаез ивортэ.

Адӟытонэ элькунысь кибашлыослэн юртъёссылэн но центръёссылэн Удмуртиысь калыкъёслэсь лулчеберет сямъёссэс улӟытонъя ужъёссы пырозы: костюм кылдытон, пужыятскон, куиськон, пуэз вӧлон но суредаськон, горд сюйлэсь, курлэсь, кызьпу туйлэсь арбериос но трос мукетыз.

Озьы ик адӟытонын Удмуртиысь калыкъёслэн улон-вылонзы сярысь верась туспуктэмъёсты, гуртъёсын улӥсьёслэн йӧскалык дӥсьёсын туспуктэмъёссэс возьматозы.

Туала Удмуртиын 70 пала калыкъёс уло. Котькудӥзлэн аслаз аспӧртэм историез, сямъёсыз, лулчеберетэз. Элькунысь кибашлыослэн юртъёсазы но центръёсазы ужасьёс удмуртъёслэсь сяна, мукет калыкъёслэсь но улон-вылон сямъёссэс эскеро. Этнографи экспедициосы потаса, музей экспонатъёсты, дӥсьёсты, улонын кутӥськись тӥрлыкъёсты чакласа, технологиоссэс улӟыто но выль, авторской арбериос лэсьто

Адӟытон 26-тӥ пӧсьтолэзёзь ужалоз.

Пусъём, ужрад Калык творчествоя элькун юртэн но «Лудорвай» музей-заповедникен валче радъяське.

Тодэ вайытом, Удмуртиысь мунё лэсьтӥсь кибашлыосты огъяросси адӟытонэ пыриськыны ӧтё.



Наверх
Вниз