Ижкар+19 °C
7 -тӥ пӧсьтолэзь 2020 Пуксён
16+

Финн-угор дуннелэн лулчеберетъя шоркарез 2021-тӥ арын Эстониысь мульги кар луоз

  • 71
  • 0
Абья-Палуоя / Эстония
Финн-угор дуннелэн лулчеберетъя шоркарез 2021-тӥ арын Эстониысь мульги кар луоз
Туспуктэм: facebook.com/FinnoUgricCapitalsOfCulture/

2021-тӥ арын Финн-угор дуннелэн лулчеберетъя шоркарез Эстонилэн лымшор палысьтыз Мульги волостьысь Абья-Палуоя кар луоз. Со сярысь ӵектослэн «Фейсбук» мерлыко вотэсысь бамаз ивортӥзы.

Со сяна, финн-угор дуннелэн лулчеберетъя шоркарез луон понна Мордовиысь Подлесная Тавля эрзя гурт вожвылъяськиз.

Кандидатъёс асьсэ программаосынызы 17-тӥ инвожое онлайн амалэн тодматӥзы. Соосты вить муртлэсь жюри дунъяз, отчы финн-угор егитъёслэн огазеяськонъёссылэн, пӧртэм аръёсы лулчеберетъя шоркаръёслэн ыстэм муртъёссы пыризы.

Абья-Палуоя – Эстонилэн лымшор палысьтыз Мульгимаа исторической улослэн шоркарез, мульги нимаськись этической группалэн улон интыез. Пичи карын 1 сюрс 200 пала улӥсез. Финн-угор дуннелэн лулчеберетъя шоркарез программа улсын нимысьтыз саклык висъяськоз мульгиослэн киужъёссылы, сямъёссылы, валтӥсез ужрад «Тон но мон ӵошен» фестиваль луоз

Тодэ вайытом, «Финн-угор дуннелэн лулчеберетъя шоркарез» ним туннэ нуналозь сизьым каръёслы но гуртъёслы сётэмын вал: Удмуртиысь Быгы гуртлы (2014), Эстониысь Обиница сету гуртлы (2015), Венгриысь Искасентдьёрдь гуртлы но Веспрмем карлы (2016), Карелиысь Вокнаволок гуртлы (2017), Марий Элысь Шоруньжа черкогуртлы (2019) но Башкортостанысь Мишкино пор гуртлы (2020). 



Наверх
Вниз