Ижкар+19 °C
7 -тӥ пӧсьтолэзь 2020 Пуксён
16+

Кык гуртъёсысь лулчеберет юртъёсты тупатъязы Удмуртиын

  • 88
  • 0
Ижкар / Удмуртия
Кык гуртъёсысь лулчеберет юртъёсты тупатъязы Удмуртиын
Туспуктэм: udmurt.ru

Удмуртиын Кизнер ёросысь Булган (Балдейка) черкогуртын но Можга ёросысь Быдӟымсурд (Старый Березняк) гуртын лулчеберет юртъёсты тупатъязы. Ужъёсты «Единая Россия» партилэн «Культура малой Родины» федерал ӵектосэз улсын ортчытӥзы. Со сярысь элькун тӧролэн но кивалтэтлэн пресс-службазы ивортэ.

Булганысь культура юртэз выльдыны оглом 2 миллион 670 сюрс манет кутӥзы. Со пӧлысь 2 миллион 140 сюрсэз – федерал коньдэтысь, 500 сюрсэз – улосвыл коньдэтысь но 26 сюрс 700 манетэз – муниципал коньдэтысь. Со чотын ужъюртысь учкисьёслы но хореографи залъёсты, фойеез выльдӥзы,коридоръёсысь ӧсъёсты воштӥзы, электроезъёсты тупатӥзы, юртлэсь вылтуссэ выльдӥзы. Озьы ик учкисьёслы залысь 150 пуконъёсты воштӥзы.

Быдӟымсурдысь лулчеберет юртэз выльдыны 1 миллион 810 сюрс манетлэсь трос коньдон кошкиз. Со пӧлысь 1 миллион 450 сюрс манетсэ федерал коньдэтысь висъязы, 342 сюрссэ – элькун коньдэтысь но 18 сюрссэ – муниципал коньдэтысь. Ужъюртысь липетсэ тупатъязы, укнооссэ воштӥзы, пуш туссэ но инженер сӧзнэтлэсь люкетсэ выльдӥзы. Та дыре культура юртын 10 клубъёс ужало, отчы 105 адями ветлэ. Азьланяз соослэн лыдзы йылыны быгатоз, уго тупатъян ужъёслы луыса самодеятельной артистъёслы ужан луонлыкъёс но умойгес луизы.

Пусъём, туэ федерал ӵектос улсын элькунысьтымы гуртъёсысь 31 культура юртъёсты тупатъялозы.

«Культура малой Родины» - со одӥг гинэ сыӵе ӵектос, кудӥз пичи гуртъёсысь клубъёсын лулчеберет юртъёсын тупатъян ужъёс ортчытыны, озьы ик отысь ваньбурзэс но тӥрлыксэс выльдыны выльдыны луонлык сётэ. Гурт культура юртъёс котьку но гурт калыклэн яратоно интызы вал но луо. Со нылпиослэсь творческой быгатонлыкъёссэс азинтыны, мӧйыослы дырзэс ортчытыны туж умой инты луэ. Оглом вераса, со калыклы ваньмон дырзэс пайдалыко ортчытон инты. Нош со гурт калыклэн улоназ туж кулэ
Владимир Соловьёв, Удмуртиысь лулчеберетъя министр

Росси азьмуртэн кичӧлтэм «Культура» йӧскалык ӵектос но «Культура малой Родины» партилэн ӵектослэн улсын 2024-тӥ арозь Удмуртия лулчеберет удысэз азинтонлы оглом 1 миллиард 700 миллион манет басьтоз. Улосвыламы ӵектосъёсты лулчеберетъя министерство чакласа возе. Ватсалом, 2020-тӥ Удмуртиын «Культура» йӧскалык ӵектосэз улонэ пыӵатон понна 66 миллион 500 сюрс манет уже кутозы.

Тодэ вайытом, та нуналъёсы партилэн ӵектосэз улсын Якшур-Бӧдья ёросысь выльдэм лулчеберет центрез усьтӥзы. 



Наверх
Вниз