Ижкар+19 °C
7 -тӥ пӧсьтолэзь 2020 Пуксён
16+

«Культура малой Родины» ӵектос улсын тупатъям куинь лулчеберет юртъёсты усьтӥзы Удмуртиын

  • 67
  • 0
Ижкар / Удмуртия
«Культура малой Родины» ӵектос улсын тупатъям куинь лулчеберет юртъёсты усьтӥзы Удмуртиын
Туспуктэм: Удмуртиысь тӧролэн но кивалтэтлэн пресс-службазы

Удмуртиын «Единая Россия» партилэн «Культура малой Родины» ӵектосэз улсын тупатъям бере куинь лулчеберет юртъёсты усьтӥзы. Эшшо огаз куарая но югдытӥсь туала тӥрлык басьтӥзы. Со сярысь элькун тӧролэн но кивалтэтлэн пресс-службазы ивортэ.

Кыксэ культура юртъёсты Пичи Пурга ёросын усьтӥзы. Ужъёсты быдэстыны оглом 1 миллион 800 сюрс манет быдтӥзы. Курчум гуртысь клубын ужъёс кыкетӥ арзэ мыно ини. Туэ лыдӟетъюртлэн висъетаз укноосты, ӧсъёсты, выжъёсты, липетэз выльдӥзы. Учаысь (Ильинское) культура юртын липетсэ но фойеысь ӧсъёссэ воштӥзы. Отысь ӧнерчиос тупатъян ужъёсты вуоно арын та ӵектос улсын ик йылпумъяны луонлык кылдоз оско. Со сяна, федерал ӵектосъя ик Брангуртысь клубе куараез гожтӥсь тӥрлык басьтӥзы.

Корка пырон Можгаысь «Дубитель» культура юртын но ортчытӥзы. Тазэ ужъюртэз ӵектос улсын 2017-тӥ арын тупатъяны кутскизы. Со дырысен учкисьёслы залэз быдэсак выльдӥзы, юртлэн азьпалысьтыз витражъёсты воштӥзы, выль небыт пуконъёс, куарая но югдытӥсь тӥрлык басьтӥзы. 2020-тӥ арын фойезэ, холлэз, тубатъёсты но педло ветлон интыоссэ лэсьтӥзы. «Октябрь» - Центр национальных культур» лулчеберет юртэ куарая но югдытӥсь тӥрлык басьтӥзы. Ужъёсты быдэстон понна оглом 2 миллион 600 сюрс манет кутӥзы.

Удмуртиысь лулчеберетъя министр Владимир Соловьёв подрядчикъёслэсь котькуд юрт бордын тыршемзэс дунъяз но ужъюртъёсысь ӧнерчиослы выль ужан аразы выль вормонъёс сӥзиз.

Партилэн федерал ӵектосэз улсын ньыль ар ужатозь трос лэсьтэмын ини: ми лулчеберет удысысь 139 объектъёслы юрттэт сётӥм – нош со юртъёсын тупатъян но ужан тӥрлыксэс выльдон. Туэ ӵектосэ 31 лулчеберет юртъёс пырисько: со тупатъян ужъёс но, тӥрлык басьтон но. Оглом 36 миллион манетлэсь трос коньдон висъялозы. Асьмелы котькуд ужъюртын вань на мар бордын ужаны, элькунысьтымы ёросъёсысь черкогуртъёсын, гуртъёсын улӥсьёс понна ми быгатэммыя ваньзэ лэсьтом
Владимир Соловьёв, Удмуртиысь лулчеберетъя министр

Росси азьмуртэн кичӧлтэм «Культура» йӧскалык ӵектос но партилэн «Культура малой Родины» ӵектосэз улсын 2024-тӥ арозь Удмуртия лулчеберет удысэз азинтыны 1 миллион 700 сюрс манет басьтоз. Элькунамы ӵектосъёсты улонэ пыӵатонэз улосвылысь лулчеберетъя министерство чакласа возе. 

Тодэ вайытом, алигес партилэн ӵектосэз улсын тупатъям бере Кизнер но Можга ёросъёсысь кык лулчеберет юртъёсты усьтӥзы



Наверх
Вниз