Ижкар+20 °C
9 -тӥ гудырикошкон 2020 Воскресенье
16+

Кутэн эстафета, мотопробег но рок-концерт ортчозы Дэбесысь Сибыр тракт вылын

  • 93
  • 0
Дэбес / Удмуртия
Кутэн эстафета, мотопробег но рок-концерт ортчозы Дэбесысь Сибыр тракт вылын
Туспуктэм: Музей истории Сибирского тракта

22-тӥ гудырикошконэ Дэбесысь Сибыр тракт вылын скандинав амалэн ветлонъя ёроскуспо фестиваль (0+), командаослэн кутэн ёроскуспо эстафетазы (0+), мотопробег (16+) но рок-концерт (16+) ортчозы. Со сярысь Сибыр трактлэн историезъя музей ивортӥз.

Со одӥг дыре бадӟым шумпотон но, кылкутон но. Юрттӥсь огазеяськонъёсын но волонтёръёсын ӵош ми нырысьсэ «Сибирский тракт» синпелет вӧзысь интывылын бадӟым ужрадъёс ортчытомы. Али рос-прос дасяськон ужъёсты нуиськом, оскиськом, вань малпанъёсмес быдэстыны пӧрмоз шуыса
Евгения Тронина, Дэбес ёросысь Сибыр трактлэн историезъя музейлэн кивалтӥсез

Ужрадъёсты Елена но Геннадий Тимченкоослэн фондысьтызы грант чотын ортчытыны луонлык кылдӥз. «Сибирский тракт: интеграция в современность» ӵектос «Культурная мозаика Удмуртии» вожвылъяськонын одӥгез вормись луэ.

Фестивальёслы дасяськон улсын мер интывылэз умоятонъя эшшо одӥг вамыш лэсьтозы: скандинав амалэн ветлонъя сюресэз умоятозы, нылпиослы шудон интыос, ӟусъёс, ивор сётӥсь баннеръёс, сцена пуктозы, лемтэйёслэсь но шыръёслэсь тазатон ужрадъёс ортчытозы.

Со сяна, шуркынмонэ музейын ужасьёс но волонтёръёс пӧртэм арлыдо пиналъёс понна интерактивной экскурсиос нуозы, нош толшоре лымы скульптураосъя «Лымы Пог» на Сибирском тракте» фестиваль ортчоз. 

Тодэ вайытом, 8-тӥ гудырикошконэ Кез ёросысь Бадӟым Олып гуртын «Шулдыр шуландыр» улосвылкуспо фестиваль ортчоз



Наверх
Вниз