Ижкар+18 °C
1 -тӥ коньывуон 2020 Покчиарня
18+

Глаз ёросысь «Искра» лулчеберет юртын учкисьёслы залэз тупатъям бере усьтӥзы

  • 120
  • 0
Глазкар / Удмуртия
Глаз ёросысь «Искра» лулчеберет юртын учкисьёслы залэз тупатъям бере усьтӥзы
Туспуктэм: vk.com (Центр культуры и туризма Глазовского района)

10-тӥ пӧсьтолэзе Глаз ёросысь Штанигуртысь «Искра» лулчеберет юртын учкисьёслы залэз тупатъям бере усьтӥзы. Ужъёсты «Огъя Россия» партилэн «Культура малой Родины» ӵектосэзъя быдэстӥзы. Со сярысь ёросысь Лулчеберетъя но туризмъя центрлэн «ВКонтакте» мерлыко вотэсысь огиназ ивортӥзы.

Партилэн ӵектосэзъя Глаз ёросъёслы висъям коньдонэн Лулчеберет юртысь сцена выльдэмын, тыл тӥрлык басьтэмын но пуктэмын, оглом 649 сюрс манет тыр, со пӧлысь 600 сюрс манетэз – субсидия, 6 сюрс манетэз – интыысь коньдэтлэн уксёез но 43 сюрс манет – Глаз ёросысь лулчеберетъя но туризмъя центрлэн ас поттэм коньдонэз
Глаз ёросысь лулчеберетъя но туризмъя центр

Озьы ик таяз арын учкисьёслы залын аудиосӧзнэтэз выльдыны быгатӥзы.

2019-тӥ арын парти ӵектослэн но Центрлэн коньдонэнызы «Искра» лулчеберет юртын выжез тупатъязы но выль креслоос пуктӥзы шуыса ивортэмын. 



Наверх
Вниз