Ижкар+18 °C
1 -тӥ коньывуон 2020 Покчиарня
18+

Удмуртиысь дышетскисьёс «Наследники традиций» огъяросси фестивальлэн финалаз потӥзы

  • 121
  • 0
Вологда / Россия
Удмуртиысь дышетскисьёс «Наследники традиций» огъяросси фестивальлэн финалаз потӥзы
Туспуктэм: vk.com (МУ ДО «Увинский дом детского творчества»)

Удмуртиысь дышетскисьёс калык лулчеберетъя «Наследники традиций» V огъяросси нылпи фестивальлэн финалаз потӥзы. Вожвылъяськонэ элькунысь куинь коллективъёслэсь но укмыс нимаз адямиослэсь куриськонъёс ыстӥзы вал, куатез ужъёс вылӥ баллъёс басьтӥзы. Со сярысь улосвылысь дышетонъя но тодосъя министерстволэн пресс-службаез ивортэ.

Вожвылъяськон вить ӧръёсъя мынӥз: «Декоративно-прикладное творчество», «Судостроение», «Народный костюм», «Топос. Краткий метр» (вордскем инты сярысь вакчи фильм) но «Образовательный бренд территорий»

Йӧскалык дӥськут ӧрын устоосыз луизы Ува ёросысь нылпи творчествоя юртысь модая «Стиль» театр «Дӥсяськизы, люкаськизы» коллекциеныз но Сьӧлта ёросысь нылпи творчествоя юртысь коллектив «Стилизованные калмезские платья» коллекциен. Та номинациын ик Якшур-Бӧдья ёросысь Антонина Ельцовалэсь удмурт нылъёслэсь вашкала дӥськутсэс выльдэмзэ вылӥ дунъязы.

Чеберлыко киуж ӧрын Глазкарысь Максим Филиппов вормиз. Со киужлы арбериосты возьыны пичи шыкыс куиз. Со сяна, Каракулино ёросысь Марина Дементьевалэсь «Удмуртиысь песянай» ужзэ дунъязы. Озьы ик Сьӧлта ёросысь Софья Будина «Половики, половички…» уженыз бадӟым баллъёс басьтӥз.

Фестивальлэн йылпумъян люкетэз 2-5 гудырикошконэ ортчоз. Очной амалаэн ужрадэ Вологда улосвылысь пиналъёс пыриськозы, мукетъёсыз - дистанционной амалэн

Финалэ Росилэн 58 улосвылъёсысьтыз, озьы ик Армениысь, Фрнациысь но ДНР-ысь 200-лэсь трос нимаз адямиос но коллективъёс пыриськозы.

«Наследники традиций» фестиваль калык лулчеберет но искусство удысын быгатонлыко пиналъёсты шараян но соослы юрттон вылысь ортчытӥське. Сое Россиысь калыкез дышетонъя министерство но Вологда улосвыллэн кивалтэтэз Федераци Кенеш юрттэм улсын радъяло.

Тодэ вайытом, 2019-тӥ арын фестивальлэн финалаз Удмуртиысь кык дышетскисьёслэн ужъёссы потӥзы. Глазкарысь Нылпиослэн но быдэ вуымтэослэн центрысьтызы дышетскись Владимир Кононов «Декоративно-прикладное творчество» ӧрын нырысетӥ инты басьтӥз.

Ватсалом, 13-тӥ пӧсьтолэзе Ижкарысь «Арт-резиденциын» этномодая Urban udmurt (урбан удмурт) лагерь смена ужаны кутскиз. Смена ӵоже пиналъёс удмурт шӧмо 20 дэрем вурозы.



Наверх
Вниз