Ижкар+18 °C
1 -тӥ коньывуон 2020 Покчиарня
18+

Быдэ вуонлы сӥзем «Эру» шулдыръяськон туэ Удмуртиын онлайн-марафон сямен ортчоз

  • 112
  • 0
Ижкар / Удмуртия
Быдэ вуонлы сӥзем «Эру» шулдыръяськон туэ Удмуртиын онлайн-марафон сямен ортчоз
Туспуктэм: vk.com (УМОО "Шунды"/Лена Тыбанова)

Удмуртиын быдэ вуонлы сӥзем «Эру» шулдыръяськон таяз арын онлайн-марафон сямен ортчоз. Со сярысь Калыкъёслэн эшъяськон юртсылэн пресс-службаез ивортэ.

Таяз арын пыриськисьёс адӟиськыны уз быгатэ, творчествоя быгатонлыкъёссэс гинэ возьматозы, но со понна кыдёкысь улосвылъёсысь пиналъёслы пыриськыны луонлык кылдэ
Алина Чернова, «Шунды» огазеяськонлэн тӧроез

Удмурт егитъёслэн «Шунды» огазеяськонэнызы радъяськись марафон куинь люкетлы люкемын но 3-тӥ гудырикошконозь кыстӥськоз.

Котькуд люкетаз быдэ вуымтэослы творчествоя куронъёсты быдэстоно:

- 23-тӥ пӧсьтолэзёзь пыриськисьлэсь анкетазэ гожтоно но удмурт фольклоръя, йылолъёсъя, озьы ик Удмуртилэн кунлыкезъя юанъёслы валэктонъёс сётоно;

- удмурт кылын мастер-класс амалэн дышетон видеоролик кылдытоно;

- гуртысь тунсыко адями яке визь-кенеш сётӥсьёс сярысь верос/сочинение/презентация/видеоролик/интервью дасяно.

Марафонэ 14-18 аресъем нылъёс но пиос нимаз но командаен пыриськыны луэ. Рос-просгес татысь тодыны луоз.

Вормисьёсты дипломъёсын но кузьымъёсын пусъёзы.

Тодэ вайытом, «Эру» шулдыръяськон арлы быдэ Шаркан ёросын ортчылэ вал. Кылем арын ужрадэ 10 команда пыриськиз.



Наверх
Вниз